Skólanámskrá

Skólanámskrá Grunnskólans í Borgarnesi skiptist í fjóra hluta; almennan hluta, starfsáætlun skóla, bekkjarnámskrár og starfsmannahandbók sem er innanhúsrit. Allir þessir hlutar taka mið af Aðalnámskrá grunnskóla. Skólanámskráin er birt með fyrirvara um breytingar.

Almennur hluti (er í endurskoðun)

Starfsáætlun skólans fyrir skólaárið 2023 – 2024

Í bekkjarnámskrám hvers námshóps koma fram námsmarkmið sem sett eru fram samkvæmt Aðalnámskrá grunnskóla 2011 (almennur hluti) og 2013 (greinasvið). Í bekkjarnámskrám koma fram hæfniviðmið, kennsluaðferðir og námsmat auk upplýsinga um námsgögn, tímafjölda í námsgrein og nöfn kennara.

Valáfangar

Valáfangar eru í boði bæði á mið- og unglingastigi. Tilgangurinn með valfrelsi er að hægt sé að laga námið sem mest að þörfum einstaklingsins og gera hverjum og einum kleift að leggja eigin áherslur í námi miðað við áhugasvið og framtíðaráform.

Á miðstigi skiptist valið upp í fjórar lotur yfir veturinn, tvær fyrir áramót og tvær eftir áramót. Í hverri lotu er boðið uppá sex til átta mismunandi valgreinar. Nemendur velja sér grein eftir áhugasviði og síðan tvær til vara.

Á unglingastigi er valið með tvennum hætti. Annars vegar er val einu sinni í viku sem skiptist upp í fjórar lotur yfir veturinn. Í hverri lotu er boðið uppá sex til níu mismunandi valgreinar. Hins vegar eru Smiðjuhelgar tvisvar yfir skólaárið. Nemendur eru einum tíma skemur á viku í skólanum en viðmið gera ráð fyrir allt skólaárið, en í staðinn vinna þeir með þessum hætti eina helgi á önn. Unnið er í smiðjum frá 14.30 á föstudegi til kl. 18:30 og síðan kl. 8:30 á laugardegi til 14:30. Tilgangur smiðjanna er að mæta vali fyrir unglingana með öðrum hætti en almennt tíðkast og gefa þeim kost á að hafa meira um val sitt að segja.

Nánari kynning á þeim valáföngum sem eru í boði: