Leikskólinn Klettaborg er staðsettur í fallegu umhverfi við Borgarvoginn og þjóðveg 1 í Borgarnesi. Stutt er í ósnortna náttúru, fallegar gönguleiðir og marga áhugaverða sögustaði. Leikskólinn opnaði formlega í núverandi húsnæði 11. október 1978 og var upphaflega tveggja deilda. Árið 1991 var tekin í notkun fyrsta viðbyggingin og fjölgaði deildum þá í þrjár. Í lok árs 2004 bættist önnur viðbygging við sem rúmar stærri sal, listakrók, eldhús og starfsmannaaðstöðu. Í janúar 2026 varð leikskólinn fjögurra deilda þegar gámaeiningum var komið fyrir við leikskólann. Deildir leikskólans nefnast Ólátagarður, Kattholt, Sjónarhóll og Skarkalagata og taka allar nöfn úr sögum Astridar Lindgren. Leikskólinn er fyrir börn frá 12 mánaða til 6 ára aldurs.
Einkunnarorð leikskólans eru: sjálfstæði – virðing – gleði