Nemendur í 1.–4. bekk Varmalandsdeildar fögnuðu sumarkomunni með glæsilegum leikjadegi þar sem boðið var upp á fjölbreytta dagskrá og skemmtilegar samverustundir.
Dagurinn hófst á fjörugri fótboltakeppni þar sem nemendur kepptu á móti starfsfólki skólans. Keppnin var spennandi en að lokum fór svo að starfsfólkið bar sigur úr býtum eftir harða baráttu á vellinum.
Auk fótboltans fengu nemendur tækifæri til að láta teyma undir sér á hesti, sem vakti mikla lukku hjá börnunum. Einnig var haldið sundlaugapartý þar sem krakkarnir gátu leikið sér og notið samverunnar í góðu veðri.
Í hádeginu var boðið upp á grillaða hamborgara sem runnu ljúflega niður eftir viðburðaríkan morgun og allir fengu heimabakaða snúða í eftirrétt sem vöktu mikla lukku.
Til að gera daginn enn eftirminnilegri fóru skólabílstjórarnir með nemendur ísrúnt. Þar tók Esjuskálinn á móti hópnum og bauð öllum börnunum upp á ís.
Við viljum færa Esjuskálanum okkar bestu þakkir fyrir höfðinglegar móttökur og rausnarlegt framlag til dagsins.
Leikjadagurinn tókst einstaklega vel og einkenndist af gleði, hreyfingu og góðri samveru. Nemendur og starfsfólk áttu saman frábæran dag sem verður án efa lengi í minnum hafður.
