The Blog

Skólaslit eru alltaf hátíðlegur viðburður. Nemendur mæta með foreldrum sínum og hlusta á vel valin orð Helgu Jensínu skólastjóra. Nemendur fengu vitnisburðarmöppurnar sínar afhendar af umsjónarkennurum og viðurkenningar voru veittar fyrir framfarir í lestri. Nemendur sem eru að ljúka grunnskólagöngu sinni og hafa sýnt framúrskarandi árangur fá viðurkenningar. Einnig færir skólinn öllum nemendum sem eru að útskrifast birkitré að gjöf. …

Þann 28.maí komu nemendur 7.-9. bekkja saman á Varmalandi.  Kennarar þeirra höfðu undirbúið skólastarf dagsins og innifól það íþróttir, útikennslu og ýmis spil. Nemendum var skipt í hópa þvert á aldur sem unnu að verkefnum sínum. Þennan dag voru 10.bekkingar í útskriftarferð sinni svo tilvalið var að þjappa verðandi unglingastigi saman á þennan hátt og þótti það takast með ágætum. 

Þann 28. maí síðastliðinn lögðu nemendur 1.-3. bekkjar land undir fót og fóru í vorferð.  Ferðinni var heitið í höfuðborgina þar sem fjölskyldu og húsdýragarðurinn var skoðaður. Veðrið lék við okkur og var dásamlegt að sjá hvað allir nutu sín vel.  Fyrst voru dýrin skoðuð og að því loknu var hlaupið yfir í fjölskyldugarðinn þar sem nemendur fengu að leika sér og við grilluðum pylsur. Nokkrir nemendur tóku dýfu í tjörnina á meðan aðrir klifruðu í köstulum. …

Í síðustu viku fengu nemendur í fyrsta bekk gefins hjálma frá Eimskip og Kiwanisklúbbnum eins og siður hefur verið frá árinu 2004. Var farið yfir með kennara hvernig reglurnar eru um notkun hjálma og voru þau hvött til að minna alla, börn sem fullorðna, á mikilvægi þess að nota hjálma. Það voru glaðir fyrstu bekkingar sem fóru heim og færum …

Nemendur í 9. og 10. bekk á Kleppjárnsreykjum hafa síðustu vikur verið að vinna að lokaverkefnum sínum í náttúrufræði. Tilgangur verkefnisins var að nemendur lærðu að vinna eftir vísindalegum vinnubrögðum og að setja upp sýna eigin tilraun eða rannsókn. Foreldrum og nemendum úr öðrum bekkjum var svo boðið á Vísindavökusýningu fimmtudaginn 30. maí sem lukkaðist stórvel. Rannsóknarverkefni nemenda voru eftirfarandi: Gúrkutrommur Fílatannkrem Eru fleiri dauðar flugur í lokuðum eða opnum gluggum? …

Vorferð 4. – 6. bekkjar var farin 28. maí þar sem nemendur af öllum deildum skelltu sér í skoðunarferð í Víðgelmi í Hallmundarhrauni. Nemendur voru heillaðir af tilbrigðum hellisins og nutu þessa að horfa á fegurðin og hlusta á frásagnir leiðsögumanna. Þegar heimsókninni í Víðgelmi var lokið var keyrt að Geitfjársetrinu Háafelli þar sem grillaðar voru pylsur og nemendur fengu …

Miðvikudaginn 15. maí tóku nemendur þátt í skólahlaupinu (skógarhlaupinu). Nemendur stóðu sig mjög vel og bættu sig frá því í hlaupinu í haust. Miklar framfarir hjá nemendum.

Nemendur fjórða og fimmta bekkjar hafa undanfarna daga verið að sá kryddjurtum í skólanum. Þau eru að rækta myntu, basiliku, dill, kóríander og steinselju.  Hver og einn nemandi sáði fyrir tveimur kryddjurtum og það hefur verið spennandi að fylgjast með hvaða kryddjurtir eru fljótastar að stinga upp kollinum og þar hefur basilikan áberandi yfirburði. Við erum búin að skoða hversu mikla mold þarf í pottinn, hversu djúpt fræin eiga að fara og hversu mikiðþurfi að vökva. Þau setja svo plastfilmu yfir hvern pott til að mynda einskonar “gróðurhús”og nýtum þannig hringrás vatns og búum til sjálfvökvunarkerfi í vistkerfi blómapottsins. Þetta hefur verið mjög skemmtilegt og þau öll mjög áhugasöm um þetta. Við byrjum hvern dag á að kíkja í pottana og sjá hvort eitthvað sé að stinga upp kollinum. Í lok skóla taka nemendur svo sínar kryddjurtir með heim og nota þær í einhverja gómsæta matseld í sumar.   

Nemendur í saumavali á Kleppjárnsreykjum saumuðu barnabuxur. Þar lærðu nemendur að taka upp snið, sníða, sauma með overlook vél, skera út í vínilskera og pressa vínil á föt.