Below you'll find a list of all posts that have been categorized as “Allar fréttir”
Árshátíð nemenda á yngsta stigi Grunnskóla Borgarfjarðar, Varmalandsdeild heppnaðist einstaklega vel í ár þar sem ánægja, samvinna og sköpunargleði voru í fyrirrúmi. Nemendur lögðu mikla vinnu í undirbúning sýningarinnar og stóðu sig öll með prýði þegar á sviðið var komið. Á dagskránni voru atriði úr fjórum vel þekktum leikritum: Línu langsokk, Emil í Kattholti, Dýrunum í Hálsaskógi og Kardemommubænum. Börnin sýndu mikinn metnað í túlkun sinni, hvort …
Upptakturinn er verkefni á vegum Hörpu í samstarfi við Listaháskóla Íslands, RÚV, Tónlistarborgina Reykjavík og Barnamenningarhátíð í Reykjavík. Í samstarfi eru einnig Austurland, Borgarbyggð, Garðabær, Kópavogsbær, Menningarfélag Akureyrar, Mosfellsbær. Samtök sunnlenskra sveitafélaga og Vestfjarðastofa.Upptakturinn er tónsköpunarverkefni, ætlað börnum og ungmennum í 5. – 10. Bekk. Þeir Reynir Marteinn og Magnús Snorri, nemendur í 5. bekk á Hvanneyri sendu inn lag og texta eftir …
Undanfarin ár hefur skapast sú hefð á Hvanneyri að nýta snjóinn í íþróttakennslu þegar hann er til staðar. Snjórinn hefur verið nýttur til að útbúa ýmsa snjóskúlptúra, snjóhús, snjókarla og ýmislegt annað. Í vetur höfum við náð að nýta snjóinn í eldfjallagerð, snjókarlagerð og auðvitað rennt sér á sleða. Þetta vekur alltaf lukku hjá nemendum og finnst þeim gaman að …
Nemendur á Varmalandi nutu sín vel í útikennslu á dögunum þegar þeir unnu saman að skapandi verkefni í snjónum. Börnunum var skipt í litla hópa og fengu það verkefni að búa til snjókarla og lita snjóinn með ýmsum litum. Mikil gleði og samvinna einkenndi verkefnið og mátti sjá fjölbreytta og litríka snjókarla rísa á skólalóðinni. Nemendur sýndu mikla sköpunargáfu og …
Tíu nemendur úr 9. og 10. bekk fóru rétt fyrir vetrarfrí í heimsókn til Sievi í Finnlandi. Skólinn er í Nordplussamstarfi við Jussinpekkankoulu þar ásamt Hunderupskolen í Odense. Nemendurnir dvöldu á heimilum hjá nemendum og var einstaklega vel tekið á móti þeim, m.a. farið að grilla pylsur, farið á skauta o.fl.
Nemendur í gervi ýmissa kynjavera mættu í skólann á Kleppjárnsreykjum á öskudaginn. Hefðbundið skólastarf var að að mestu fram að hádegi en eftir hádegið var slegið upp balli í íþróttasalnum. Kötturinn var sleginn úr tunninni og nemendur úr nemendaráði stýrðu leikjum og dansi af mikilli röggsemi. Virkilega vel að þessu staðið hjá nemendaráðinu sem var fáliðað því helmingur þess var í námsferð í Finnlandi.
Á dögunum kom Magnea Kristleifsdóttir fyrrum kennari við skólann í heimsókn færandi hendi með veitingar til starfsmanna sem við þökkum kærlega fyrir. Með henni var Elísabet Halldórsdóttir sem einnig starfaði hér um árabil. VIldu þær óska okkur öllum til hamingju með nýja glæsilega skólabyggingu. Við þökkum þeim stöllum fyrir heimsóknina og góðar óskir.
Á öskudaginn var líf og fjör á Varmalandi. Nemendur komu uppáklæddir í fjölbreyttum grímubúningum, fóru í leiki og nám yfir daginn. Eftir hádegið var síðan skemmtun í íþróttahúsinu þar sem nemendur fóru í leiki, dönsuðu og slógu köttinn úr tunnunni. Að lokum fengu nemendur nammi með sér heim. Í frístund fóru síðan allir nemendur með Valeriiu og Benedikt til að syngja á Hótel Varmalandi við mikinn fögnuð starfsmanna og gesta.
Síðustu vikur hafa bílar verið smíðaðir í Borgarfirði, í fyrsta skipti í áratugi. Reyndar bílar sem ganga hvorki fyrir eldsneyti né rafmagni, flestir knúnir af teygjum eða gormum. Þeir eru afrakstur vinnu 10. bekkinga í eðlisfræði þar sem þau voru að læra um hreyfiorku, núning og slíkt. Þau fengu aðstoð hönnunarteymis frá leikskólanum Hnoðrabóli þar sem tveir elstu árgangarnir komu og sáu um hönnun á ytra útliti bílanna. Í lokin var svo keppni um hversu langt bílarnir gátu keyrt þar sem nemendur 10. bekkjar og Hnoðrabóls komu saman og áttu skemmtilega stund. Þetta var einstaklega skemmtilegt samstarf þar sem hæfileikar fólks fengu að blómstra óháð aldri og fyrri störfum.