Below you'll find a list of all posts that have been categorized as “Allar fréttir”
Reglulega berast skólanum áskoranir um þátttöku í fjölbreyttum verkefnum og keppnum. Kennarar hvetja nemendur til þátttöku og aðstoða ef þeir óska eftir því. Nýverið lauk Ljóðasamkeppni Júlíönu, sem haldin var í tengslum við hátíð sögu og bóka í Stykkishólmi og Barnó – BEST MEST VEST. Brynhildur Eyja Jóhannesdóttir, nemandi í 6. bekk hlaut fyrsta sæti fyrir ljóð sitt „Litla ljóðið“. Við …
Nemendur í 1.–4. bekk Grunnskóla Borgarfjarðar, Varmalandsdeild, tóku þátt í skemmtilegu og hvetjandi lestrarátaki þar sem þeir söfnuðu jólakúlum. Ein jólakúla fékkst fyrir hverjar 15 mínútur sem nemendur lásu, og var markmiðið að fylla tréð kúlum fyrir jól. Átakið stóð yfir í tvær vikur og lögðu nemendur sig fram við lesturinn. Það leið ekki á löngu þar til jólatréð fór að …
1.–4. bekkur Grunnskóla Borgarfjarðar, Varmalandsdeild, hóf aðventuna á hátíðlegan hátt föstudaginn 1. desember þegar nemendur mynduðu fallega vinakeðju sem lið í því að kveikja á jólastjörnunni á Laugahnjúk. Foreldrar voru boðnir velkomnir og fjölmenntu með börnunum í gleðskapinn. Nemendur, foreldrar og starfsfólk skólans löbbuðu saman upp að hnjúknum þar sem jólastjarnan beið tilbúin að lýsa upp skammdegið. Þegar allir höfðu komið sér fyrir …
Á Kleppjárnsreykjum er hefð fyrir því að allir koma saman í porti skólans í lok nóvember því þá er mesta skammdegið framundan. Skólahópi Hnoðrabóls er líka boðið að taka þátt. Dagskráin er stutt og mjög hefðbundin: Ljóðið Hátíð fer að höndum ein eftir Jóhannes úr Kötlum er alltaf lesið og að þessu sinni sáu þær Bergdís Ingunn, Steinunn Vár og Sunna Karen allar nemendur í 8.bekk um lesturinn. Þá eru sungin nokkur lög og að lokum fara yngsti og elsti nemandi skólans þær Adda Karen í 10.bekk og Arna Kristín í 1.bekk saman og kveikja á jólatré og ljósaseríum sem lýsa upp skólaportið.
Í tilefni af Degi íslenskrar tungu fóru nemendur Hvanneyrardeildar í heimsókn í Andabæ og sungu nýja lagið hans Páls Óskars, Eitt af blómunum, fyrir börnin þar. Að auki sungu þeir vísnasyrpuna Fljúga hvítu fiðrildin, Afi minn og amma mín og Rúkki fór í réttirnar. Að auki fórum við í Landbúnaðarháskólann og sungum fyrir starfsfólk þar. Að auki fóru tveir nemendur 5. bekkjar í Brún og heimsóttu eldri borgara sem hittast þar hvern miðvikudag. Þar lásu þeir fyrir eldri borgara ljóð og skemmtilegan texta um dráttarvélakeppni úr bók eftir Bjarna Guðmundsson.
Þemadagar voru haldnir á Hvanneyri dagana 10. – 12. Nóvember og var yfirskriftin að þessu sinni Vinátta og samvinna til árangurs. Nemendur unnu fjölbreytt verkefni sem snéru að samvinnu, samstarfi og vináttu, s.s. Samvinnuleiki í íþróttum og allskonar listsköpun um gildi vináttu, jákvæðni og eigin styrkleika. Nemendur bjuggu einnig til myndskreytt ský sem innihélt jákvæða eiginleika samnemanda sem hver og …
Sú skemmtilega hefð hefur skapast í kringum Dag íslenskrar tungu að nemendur af öllum deildum fara í Brún og lesa fyrir eldri borgara. Þetta árið fóru þau Magnús Snorri og Reynir Marteinn frá Hvanneyri, Jónas Hrafn, Sigþór og Valdís Huld frá Kleppjárnsreykjum og Emma og Sofiia frá Varmalandi. Hlustendur voru mjög ánægðir með upplesturinn og fengu nemendurnir kökur í lokin …
Á dögunum kom Gunnar Helgason rithöfundur og las fyrir nemendur 3.-7. bekkja úr nýrri bók sinni Birtingur og símabannið mikla. Það er ekki ofsögum sagt að hann heillaði krakkana með lestri sínum og bíða þau spennt eftir að bókin komi á bókasafnið.
Fjölgreindarleikar er árlegur viðburður í skólanum og fer helst fram að hausti. Nemendum er skipt upp í hópa þvert á aldur og elstu nemendurnir eru leiðtogar . Að þessu sinni voru 8 hópar sem fóru á milli 8 stöðva þar sem þau unnu saman að lausn ólíkra þrauta eða verkefna. Í þessari vinnu reynir á samvinnu nemenda og fá ólíkir styrkleikar hvers og eins að njóta sín.
Dagana 10 og 11. nóvember unnu nemendur á KLeppjárnsreykjum að margvíslegum þemaverkefnum. Á unglingastigi voru verkefni tengd 9.áratug síðustu aldar unnin. Nemendur völdu sjálfir að skoða þennan áratug og voru verkefnin fjölbreytt og skil þeirra einnig. Miðstigið skoðaði hvernig stærðfræði og rökhugsun tengist inn í ólik verkefni. Einnig unnu þau verkefni tengd heimspeki og siðfræði. Á yngsta stigi útfærðu nemendur þjóðsögum á ýmsan hátt. Sett voru upp leikrit, brúðuleikhus og fleira. Á öllum stigum var mikil vinna í gangi bæði skapandi og fræðandi og samvinna og gleði ríkjandi.