Category Archive

Björgunarsveitin Brák í Borgarnesi sér um þrettándabrennuna á Seleyri við Borgarnes fyrir hönd Borgarbyggðar. Brennan verður þriðjudaginn 6. janúar n.k. og verður kveikt í kl: 17:32! Boðið verður upp á glæsilega skemmtidagskrá svo sem tónlistaratriði með Steinku Páls og söngfuglum, Örn Árnason tryllir lýðinn og auðvitað einstök flugeldasýning Brákar! Allir velkomnir! Hér má nálgast auglýsinguna.  

Á nýjársdag sæmdi forseti Íslands ellefu Íslendinga heiðursmerki hinnar íslensku fálkaorðu. Þeirra á meðal var Kjartan Ragnarsson forstöðumaður Landnámsseturs í Borgarnesi sem hlaut riddarakross fyrir störf í þágu leiklistar og nýsköpun í miðlun menningararfs.   Kjartan, ásamt konu sinni Sigríði Margréti, hefur á undanförnum árum unnið að stofnun og starfrækslu Landnámsseturs í Borgarnesi og hafa sýningar þar vakið verulega athygli …

Afgreiðslutíma Safnahúss Borgarfjarðar hefur verið breytt og er þar nú opið alla virka daga frá 13-18. Breytingin felst í því að kvöldopnun hefur verið lögð niður, en áður var opið til 20.00 á þriðjudögum og fimmtudögum. Breytingin er gerð samkvæmt þeirri tillögu að fjárhagsáætlun sem nú liggur fyrir til afgreiðslu sveitarstjórnar um miðjan janúar, en þar er gert ráð fyrir …

Þann 1. janúar hækkaði gjaldskrá íþróttamiðstöðvanna í Borgarbyggð. Hækkunin nemur að jafnaði um 10% á hvern gjaldskrárflokk. Hér má nálgast gjaldskránna.  

Nú í haust var unnið við efnisskipti og sett nýtt malbik við Túngötu 1-8 á Hvanneyri. Eftir er að steypa gangstétt og setja kantstein, en það verður gert um leið og tíðarfar leyfir.   Verktakar eru JBH-Vélar í Borgarnesi og Heyfang á Hvítárvöllum. Verkið var útboðsverk sem boðið var út í sumar, tilboðið verktakanna (lægstbjóðenda) hljóðaði uppá 9.406.490 kr. Alls …

Lagður hefur verið göngustígur og malbikaður við Sóltúnshverfið á Hvanneyri meðfram Túngötunni. Frá þeim stíg var lagður göngustígur inn í Sóltúnshverfið auk þess var lagður stígur til móts við þann stíg, hinu megin við Túngötuna og sá sameinast síðan gangstéttinni sem liggur að grunnskólanum. Verktaki var Jörvi ehf, Hvanneyri. Verkið var samningsverk. Efnisskipti og fyllingar voru unnin árið 2007 en …

Jólaball foreldrafélaga leikskólanna Klettaborgar og Uglukletts var haldið í sal Menntaskóla Borgarfjarðar sunnudaginn 28. desember síðastliðinn. Foreldrafélögin stóðu fyrir balli þessu í góðu samstarfi við Lionsklúbbinn Öglu og Menntaskóla Borgarfjarðar og tókst afar vel til. Talið er að milli 300 og 400 prúðbúnir gestir hafi dansað kringum jólatréð með tónlistarfólkinu Ásu Hlín og Ívari, sem stjórnuðuð dansinum ásamt þeim Stekkjastaur …

Strætó bs. hefur akstur milli Reykjavíkur, Akraness, Hvalfjarðarsveitar og Borgarness, föstudaginn 2. janúar 2009. Á virkum dögum verða eknar átta ferðir til og frá Borgarnesi, fjórar ferðir á laugardögum og þrjár ferðir á sunnudögum. Bæklingur hefur verið sendur á hvert heimili í Borgarbyggð. Fljótlega verða upplýsingar um ferðir ofl. aðgengilegar hér á heimasíðu Borgarbyggðar.  

Borgarbyggð óskar íbúum sveitarfélagsins svo og landsmönnum öllum gleðilegra jóla, árs og friðar, með þökk fyrir samskiptin á árinu sem er að líða.  

Fjárhagsáætlun Borgarbyggðar fyrir árið 2009 var lögð fram til fyrri umræðu 11. desember s.l. Hún verður tekin til seinni umræðu 8. janúar n.k. Í forsendum áætlunarinnar er gert ráð fyrir að útsvarstekjur lækki sem og framlög frá Jöfnunarsjóði sveitarfélaga. Ráðgert er að skatttekjur sveitarfélagsins lækki um rúmlega 7% og verði 1663 milljónir. Gert er ráð fyrir að meðalverðbólga á árinu …