Þá er komið að síðasta myndbandinu frá undirbúningnum fyrir árshátíðina. Hér er það miðstigið, 5. – 7. bekkur. Árshátíð – miðstig
Árshátíð – yngsta stig (Video)
Þau detta hér inn myndböndin af undirbúningnum fyrir árshátíðina. Hér fáum við að svipast inn í undirbúninginn hjá yngsta stiginu. Árshátíð – yngsta stig.
Árshátíð – unglingastig (Video)
Nú er undirbúningur fyrir árshátíðina í fullum gangi. Tæknimenn sjá um að skrásetja allt það sem fer fram í undirbúningnum og setja það svo saman fyrir okkur í stutt myndband. Endilega kíkið á linkinn hér fyrir neðan. Það stefnir allt í góða sýningu. Undirbúningur fyrir árshátíð
Maxímús Músíkús
Fimmtudaginn 7. mars bauð Sinfóníuhljómsveit Íslands í samvinnu við Borgarbyggð öllum börnum í 1. 2. og 3. bekk grunnskóla og tveimur elstu árgöngum í leikskólum Borgarbyggðar á tónleika í Íþróttahúsinu í Borgarnesi. Þar léku þau fjölbreytt efni og leiddi Maxímús Músíkús tónleikana. Frábær skemmtun og voru allir glaðir og kátir. Takk fyrir okkur.
Líffæraverkefni
Krakkarnir í 6. bekk eru þessa dagana að vinna verkefni um líffærin í mannslíkamanum. Þetta er samþættingarverkefni þar sem vinnan fer fram í list- og verkgreinum og náttúrufræði með áherslu á íslensku. Þau byrja á því að skipta sér í 1-3 manna hópa og velja sér svo það líffæri sem þau vilja vinna með. Þar sem verkefnavinnan endar með básakynningu …
Húllahringir að gjöf
Nemendur í 2. bekk gáfu skólanum húllahringi sem þau höfðu verið að búa til í textílmennt en hugmyndina fengu þau í kjölfar umræðna þeirra á milli um skort á útileikföngum í frímínútum skólans. Jóhanna M. Þorvaldsdóttir kennari útvegaði krökkunum efnivið í verkefnið og sáu þau svo um að setja hringina saman og skreyta með rafvirkjateipi en sjálfir húllahringirnir eru gerðir …
Öskudagur
Þær voru ýmsar fígúrurnar og furðuverurnar sem voru á ferli hér í skólanum í dag og settu skemmtilegan svip á skólastarfið. 1. – 7. bekkur sló „köttinn úr tunnunni“ og uppskáru allir nammipoka að launum. Þá var haldið Öskudagsdiskó í Óðali fyrir 5. – 7. bekk og voru fengnir DJ-ar úr 10. bekk til að halda uppi stuðinu. Foreldrafélagið skaffaði …
Námskeið í Breakout
Þær eru ýmsar leiðirnar fyrir kennara til að brjóta upp hefðbundna kennslu á skemmtilegan og árangursríkan hátt. Ein af þeim er að láta nemendur kljást við verkefni í Breakout þar sem áhersla er lögð á samvinnu, samskipti og þrautseigju nemenda auk þess sem það eflir þrautalausnahugsun og ályktunarhæfni. Í ár hefur verið boðið upp á Breakout á Smiðjuhelgi hjá unglingastigi …
100 daga hátíð
Í dag héldu 1., 2. og 3. bekkur upp á að 100 skóladagar eru liðnir frá því skólinn var settur í haust. Leystu börnin ýmis verkefni saman, spiluðu og héldu smá veislu þar sem veitingar voru í boði.
Bóndadagur
Í tilefni af bóndadegi var boðið upp á ástarpunga og annað kruðerí á kaffistofu starfsmanna. Við bjóðum þorrann velkominn og óskum öllum húsbændum til hamingju með daginn.