Sólarlitun á Hvanneyri.

Nemendur söfnuðu laufum sem síðan voru pressuð og þurrkuð. Málað er á bómullarefni með sérstökum litum og lauf lögð ofaní málninguna. Þegar myndin er þurr eru laufin fjarlægð af efninu og þá  framkallast myndir af laufunum, töfrum líkast🙂 

Lungnakrufning á Kleppjárnsreykjum

9.bekkur á Kleppjárnsreykjum er nú að læra um mannslíkamann. Til að öðlast betri skilning á efninu er oft betra að gera það áþreifanlegt sem varð heldur betur raunin þegar þau krufðu lungu úr sauðfé. Krakkarnir stóðu sig mjög vel og við vonum að þekkingin sitji jafnvel enn betur eftir en eftir langan lestur á kennslubókunum.

Myndlist á Kleppjárnsreykjum

Fyrsti og annar bekkur á Kleppjárnsreykjum fóru út og tóku myndir af skiltunum í hverfinu ræddu um hvað þau þýða. Ræddum um frumliti og grunnform. Nemendur völdu sér merki til að mála og tveir og tveir perluðu saman merki.

Lestrarátaki yngsta stigs Varmalandsdeildar lokið

Lestrarátaki yngsta stigsá Varmalandi er nú lokið og hafa nemendur staðið sig afar vel við heimalesturinn. Fyrir hverjar 15 mínútur sem lesnar voru heima fengu nemendur eitt laufblað. Þau fengu svo að lita laufblöðin í fallegum haustlitum, klippa þau út og skreyta veggi bókasafnsins. Það er gaman að sjá hversu mikinn metnað nemendur hafa lagt í lesturinn og verkefnið. Við …

Mauraverkefni á Varmalandi

Mauraverkefni  Nemendur á Varmalandi voru svo heppnir að fá að taka þátt í verkefninu „Ants in Action“í samstarfi við leikskólann Hraunborg. „Ants in Action“ er samstarfsverkefni á vegum rannsóknarhópsins Maurar á Íslandi sem miðar að því að kynna líffræði maura, náttúruna og samvinnu fyrir leikskólabörnum um allt land. Verkefnið nýtir lífshætti maura sem skapandi og lifandi kennslutæki til að efla …

Réttarstemning á Varmalandi

Nemendur 3. – 4.bekkjar Varmalandi fengu skemmtilegt tækifæri til að upplifa íslenska sveitamenningu þegar þeir fóru í Þverárrétt. Veðrið lék við okkur og stemningin var frábær. Krakkarnir fylgdust áhugasamir með kindunum og fengu að kynnast því hvernig réttir fara fram. Sumir tóku virkan þátt í að draga féð í dilka og aðstoða við að reka það á meðan aðrir fylgdust spenntir með úr öruggri fjarlægð. Það var gaman að sjá áhugann og gleðina hjá nemendum og frábært að fá að upplifa saman þessa skemmtilegu og rótgrónu íslensku hefð.  

Úti í góða veðrinu á Varmalandi

Nemendur á Varmalandsdeild fóru í skemmtilegan íþróttatíma utandyra þar sem áhersla var lögð á fjölbreytta hreyfingu og útivist. Gengið var í gegnum Toyotaskóg og upp á Laugahnjúk. Þegar upp á Laugahnjúk var komið var tekið stutt stopp þar sem nemendur nutu náttúrunnar og tíndu  bláber og krækiber áður en haldið var aftur að skólanum. Markmið tímans var að njóta góða veðursins, hreyfa sig úti og kynna nemendum fjölbreyttar leiðir til að stunda hreyfingu og útivist.

Ís í Baulunni

Síðasta skóladaginn fóru nemendur Varmalandsdeildar í Bauluna með skólabílstjórum sínum þar sem Fríða bauð öllum upp á kærkominn ís. Kærar þakkir til Fríðu.