Nemendur fjórða og fimmta bekkjar hafa undanfarna daga verið að sá kryddjurtum í skólanum. Þau eru að rækta myntu, basiliku, dill, kóríander og steinselju.  Hver og einn nemandi sáði fyrir tveimur kryddjurtum og það hefur verið spennandi að fylgjast með hvaða kryddjurtir eru fljótastar að stinga upp kollinum og þar hefur basilikan áberandi yfirburði. Við erum búin að skoða hversu mikla mold þarf í pottinn, hversu djúpt fræin eiga að fara og hversu mikiðþurfi að vökva. Þau setja svo plastfilmu yfir hvern pott til að mynda einskonar “gróðurhús”og nýtum þannig hringrás vatns og búum til sjálfvökvunarkerfi í vistkerfi blómapottsins. Þetta hefur verið mjög skemmtilegt og þau öll mjög áhugasöm um þetta. Við byrjum hvern dag á að kíkja í pottana og sjá hvort eitthvað sé að stinga upp kollinum. Í lok skóla taka nemendur svo sínar kryddjurtir með heim og nota þær í einhverja gómsæta matseld í sumar.   

Nemendur í saumavali á Kleppjárnsreykjum saumuðu barnabuxur. Þar lærðu nemendur að taka upp snið, sníða, sauma með overlook vél, skera út í vínilskera og pressa vínil á föt. 

Í dag voru haldnir vortónleikar Tónlistarskóla Borgarfjarðar á Varmalandi. Nemendur spiluðu á fjölbreytt hljóðfæri fyrir foreldra, starfsmenn og aðra nemendur.

Opið hús var hjá Grunnskóla Borgarfjarðar fimmtudaginn 2. maí. Tilefnið var Barnamenningarhátíð Borgarbyggðar og að með þessu vilja nemendur og starfsmenn kynna skólann sinn fyrir fólkinu í kringum sig, foreldrum og samfélaginu. Þónokkrir gestir létu sjá sig gengu um skólann og skoðuðu það sem fyrir augum bar. Nemendur úr Tónlistarskólanum spiluðu á píanó, gítar, ukuleh og sungu. Einnig má benda …

            Föstudaginn 19. apríl fengu nemendur Hvanneyrardeildar og leikskólans Andabæjar skemmtilega heimsókn frá Skólahljómsveit Vesturbæjar og Miðbæjar. Hljómsveitin lék nokkur lög áður en lagt var af stað í skrúðgöngu um Hvanneyri. Kátt var á hjalla og þökkum við kærlega fyrir þessa frábæru heimsókn.  

Keppni í Skólahreysti þetta árið hófst miðvikudaginn 17. apríl í Laugardalshöll.  Krakkarnir í Grunnskóla Borgarfjarðar stóðu sig frábærlega og enduðu í öðru sæti og eiga enn möguleika á að komast í úrslit sem haldin verða í höllinni 25. maí n.k. Þar keppa sigurvegar allra 8 riðlanna og auk þess eru fjögur uppbótarsæti. Keppendur Gbf. voru. Upphífingar / Dýfur : Kristján Karl …

Nemendur og starfsmenn Varmalandsdeildar buðu foreldrum, leikskóla og skólaþjónustu og sveitastjórn Borgarbyggðar til hátíðar föstudaginn 19. apríl. Tilefnið var að Landvernd afhenti umhverfisnefnd Varmalandsdeildar glænýjan Grænfána en það er í sjötta sinn sem honum er flaggað á Varmalandi. Nemendur og starfsmenn hafa unnið ötullega að því að efla umhverfismennt í skólanum. Hamingjuóskir með Grænfánann.

Upplestrarkeppni Vesturlands var haldin þriðjudaginn 16. apríl í Búðardal en þar kepptu fyrir hönd Grunnskóla Borgarfjarðar Georg Guðnason og Helga Laufey Hermannsdóttir. Allir upplesarar stóðu sig mjög vel og tóku nemendur Grunnskóla Borgarfjarðar tvö af efstu sætunum en Helga Laufey hreppti annað sætið og Georg þriðja sætið. Frábær árangur hjá þeim.

Dagana 12. og 13. apríl var smiðjuhelgi unglingastigs haldin á Varmalandi. Um smiðjuhelgi velja nemendur sér smiðjur eftir áhugasviði þeirra. Líkt og venja er þá komu Auðarskóli og Reykhólaskóli og tóku þátt í smiðjunum. Smiðjurnar voru fjölbreyttar en þar mátti sjá kvikmyndasmiðju, rafíþróttasmiðju, fótboltasmiðju, Landbúnaðar og búvísinda smiðju og björgunarsveitarsmiðju. Kennararnir voru allir ánægðir með nemendur sem kynntu síðan smiðjurnar …