Nemendur á yngsta stigi á Varmalandi hafa verið að sauma eftir teikningum sínum á striga.

Nemendur í 9. og 10. bekk hafa frá áramótum verið í eðlisfræði og hafa nú fært sig úr bókinni yfir í meira verklegt nám. Fyrr í vetur voru nemendur í varmafræði og þurftu þau að hanna og smíða kælibox sem gæti haldið snjó á föstu formi í amk 2 klukkustundir. Ýmiss efniviður var nýtt, afgangar úr einangrun, frauðplastumbúðir og fleira, en einnig þurftu nemendur að nefna boxið og skreyta það á einhvern hátt. Nú síðast reyndu nemendur svo að finna lausn á yfirvofandi orkuskorti með því að reyna að framleiða rafmagn úr kartöflum. Frábær vinna hjá öllum og við hlökkum öll til að geta haldið áfram af auknum krafti í verklegu þegar raungreinastofa verður komin við skólann. 

Síðustu vikurnar fyrir páskaleyfi komu list-og verkgreinakennararnir Eva Lind og Unnar Þorsteinn útungunarvél fullri af eggjum fyrir á smíðastofunni. Mikil spenna skapaðist meðal nemenda þegar líða fór að útungun og náði hún hámarki þegar ungarnir fóru að skríða úr eggjunum. Frábær viðbót inn í skólastarfið en myndirnar segja meira en nokkur orð. 

Þann 13. mars sl. var samnorræni sjónlistadagurinn og tóku nemendur í Kleppjárnsreykjadeild þátt. Flestir nemendanna skreyttu fjöður með hinum ýmsu mynstrum og úr þeim voru gerðir englavængir þar sem nemendur gátu látið mynda sig með vængi. Sannkallaðir englar þessir nemendur.  

Nemendur í 3D vali á Kleppjárnsreykjum fengu það verkefni að hanna taflsett. Nemendum var skipt í tvo hópa og gerðu þeir tvö sett ásamt ýmsum öðrum verkefnum.  

Fimmtudaginn 21. mars var haldin árshátíð Varmalandsdeildar. Nemendur yngsta stigsins fluttu fornt íslenskt leikrit sem heitir Kolrassa krókríðandi með nútímalegu tvisti. Nemendur á miðstigi og unglingastigi voru með yfirþemað Draumar geta ræst þar sem þau fóru sköpunarleiðina og tjáðu sig í gegnum söng og dans. Kynnarnir sáu um að allir voru með á nótunum þar sem þau kynntu dagskrána bæði …

Nemendur Kleppjárnsreykjadeildar héldu árshátíð sína í Logalandi 20.mars við húsfylli að venju. Hvert stig var með atriði sem þau höfðu unnið að síðustu daga með kennurum sínum. Yngsta stigið sýndi myndband byggt á sögum úr goðafræðinni og söng svo af krafti lagið um það sem er bannað. Miðstigið var með stutta frumsamda þætti úr daglega lífinu með áherslu á samskipti …

Árshátíð Hvanneyrardeildar var haldinn við mikinn fögnuð áhorfenda þriðjudaginn 19. mars. Nemendur sýndu Emil í Kattholti eftir Astrid Lindgren. Allir nemendur skólans tóku þátt en mikill undirbúningur er búinn að vera undanfarnar vikur. Skólinn breyttist í leikhús en nemendur tóku virkan þátt í að setja upp leiksvið, leiktjöld og hanna  sviðsmynd. Foreldrar komu að búningagerð, aðstoðaði tónlistarskóli Borgarfjarðar við tónlistina …

Fimmtudaginn 7. mars var öllum nemendum úr 1.-3. bekk Grunnskóla Borgarfjarðar boðið á tónleika hjá Sinfóníuhljómsveit Íslands að sjá verkið Maximús. Tónleikarnir fóru fram í íþróttahúsinu í Borgarnesi og komu þar saman nemendur úr öllum leik- og grunnskólum Borgarfjarðar ásamt börnum úr grunnskólum á Akranesi. Tónleikarnir vöktu mikla gleði og hrifningu viðstaddra.