Nemendur hafa undanfarið unnið að skemmtilegu verkefni þar sem þeir kynntu sér fjöllin í nærumhverfi sínu. Verkefnið gaf þeim tækifæri til að afla sér nýrrar þekkingar, vinna saman og efla færni sína í upplýsingaleit og miðlun.
Nemendum var skipt í hópa og valdi hver hópur sér fjall til að rannsaka nánar. Þeir leituðu upplýsinga á netinu, sömdu texta, teiknuðu og prentuðu út myndir og útbjuggu veggspjöld um fjöllin sín.
Þegar veggspjöldin voru tilbúin kynntu hóparnir verkefnin sín fyrir samnemendum og miðluðu þannig afrakstri vinnunnar. Verkefnið var bæði fræðandi og skapandi og gaf nemendum tækifæri til að dýpka þekkingu sína á nærumhverfinu og æfa sig í samvinnu og framsögn.
