Þemadagar á Hvanneyri – Réttindaskóli, Leiðtoginn í mér, Heilsueflandi samfélag og Grænfáninn.

Dagana 21. janúar til 23. janúar voru Þemadagar á Hvanneyri þar sem unnið var með Réttindaskóla, Leiðtogann í mér og Grænfánann. Nemendur myndskreyttu þær greinar Barnasáttmálans sem unnið hefur verið með í Gbf í vetur og bjuggu til Réttindaskólavegg. Einnig gerðu þau Leiðtogatré og skrifuðu sín leiðtogahlutverk á laufblöð sem voru svo hengd upp á tréð ásamt venjunum 7. Í Grænfánahlutanum saumuðu þau poka úr gömlum stuttermabolum að heiman sem á svo að nota til að týna rusl. Að auki unnu þau kort af nærumhverfi skólans sem þau teiknuðu byggingar, vegi og fleira inn á. Í heilsueflandi hlutanum þurftu nemendur að skipuleggja hreyfistund sem átti að innihalda upphitun, hreyfingu og teygjur. Allir urðu að taka þátt í skipulagningu og það varð að vera hreyfing allann tímann og þau leystu þetta verkefni hratt og vel. Allir nemendur voru virkir þátttakendur og þau voru mjög áhugasöm og spennt með verkefnin sem í boði voru. Virkilega skemmtilegir dagar!