Getum bætt við nokkrum nemendum í haust
Áhugasömum er bent á að sækja um. Einnig velkomið að líta við, skoða og prófa hljóðfæri og fá upplýsingar um námið. Hafið samband við skólastjóra og fáið upplýsingar í síma 433 7190 eða sendið póst á netfangið tonlistarskoli@borgarbyggd.is
Tónlistarskóli Borgarfjarðar var stofnaður 7. september 1967. Frá upphafi hefur skólinn skipað stóran sess í fræðslu- og menningarlífi í héraðinu. Skólinn hefur vaxið og dafnað í þau rúmlega fimmtíu ár sem hann hefur starfað. Skólinn er við Borgarbraut 23 í Borgarnesi þar sem öll kennslan í Borgarnesi fer fram. Einnig er kennt í húsnæði Grunnskóla Borgarfjarðar; á Hvanneyri, Kleppjárnsreykjum og Varmalandi. Í vetur starfa 12 kennarar við skólann. Starf skólans er fjölbreytt, auk hefðbundinnar kennslu eru samspilstímar og sönghópastarf í skólanum. Tónfundir og tónleikar eru haldnir reglulega og nemendur koma fram við ýmis tækifæri í héraðinu og víðar. Allir tónleikar og tónfundir á vegum skólans eru öllum opnir. Upplýsingar um Tónlistarskóla Borgarfjarðar má einnig finna
á hér á vef Borgarbyggðar.
Tónlistarkennslan fer fram á eftirtöldum stöðum
og verður boðið upp á eftirfarandi nám næsta vetur:
Tónlistarskólanum, Borgarbraut 23 Borgarnesi:
Forskóli (fyrir 3-5 ára börn): Undirbúningsnám fyrir almennt tónlistarnám.
Kennt er í hóptímum einu sinni í viku.
Blokkflauta (6 ára og eldri): Kennt er í einkatímum eða hóptímum.
Nemendur þurfa sjálfir að útvega sér hljóðfæri.
Gítar, bassagítar og ukulele (6 ára og eldri): Kennt er í einkatímum.
Nemendur þurfa sjálfir að útvega sér hljóðfæri.
Blásturshljóðfæri (9 ára og eldri): Kennt er á eftirtalin hljóðfæri:
þverflautu, klarinett, cornett, trompet og saxófón. Eitthvað er til af
hljóðfærum sem nemendur geta leigt.
Píanó (6 ára og eldri): Kennt er í einkatímum. Nemendur þurfa að hafa
aðgang að píanói eða hljómborði heima.
Harmoníka (9 ára og eldri): Kennt í einkatímum.
Söngur börn (9-14 ára): Kennt í einkatímum og hóptímum.
Söngur – Almenn deild (15 ára og eldri): Kennt er í einkatímum og / eða
hóptímum. Kennum bæði rytmískan og klassískan söng.
Söngleikjadeild: Söngleikjadeildin byggist þannig upp að nemendur vinna í
hóptímum með sönglög úr söngleikjum. Fá þjálfun í söng og leiklist. Settir
upp söngleikir í desember og með vorinu.
Samsöngstímar: Hugsaðir fyrir fullorðna, m.a. hentugir fyrir kórfólk.
Allir nýir söngnemendur byrja á inntökuprófi
Hvanneyri:
Píanó (6 ára og eldri): Kennt er í einkatímum. Nemendur þurfa að hafa
aðgang að píanói eða hljómborði heima.
Gítar, bassagítar og ukulele (6 ára og eldri): Kennt er í einkatímum.
Nemendur þurfa að útvega sér sjálfir hljóðfæri.
Kleppjárnsreykjum:
Píanó (6 ára og eldri): Kennt er í einkatímum. Nemendur þurfa að hafa
aðgang að píanói eða hljómborði heima.
Gítar, bassagítar og ukulele (6 ára og eldri): Kennt er í einkatímum.
Nemendur þurfa að útvega sér sjálfir hljóðfæri.
Blásturshljóðfæri, kennt er á blokkflautu (6 ára og eldri), klarinett,
þverflautu, cornett og saxófón (9 ára og eldri). Kennt í einkatímum og
hóptímum. Nemendur þurfa að útvega sér sjálfir blokkflautu, en eitthvað er
til af öðrum blásturshljóðfærum sem nemendur geta leigt.
Varmalandi :
Píanó (6 ára og eldri): Kennt er í einkatímum. Nemendur þurfa að hafa
aðgang að píanói eða hljómborði heima.
Gítar (6 ára og eldri): Kennt er í einkatímum. Nemendur þurfa að útvega sér
sjálfir hljóðfæri.
Blásturshljóðfæri, kennt er á blokkflautu (6 ára og eldri), klarinett,
þverflautu, cornett og saxófón (9 ára og eldri). Kennt í einkatímum og/eða
hóptímum. Nemendur þurfa að útvega sér sjálfir blokkflautu, en eitthvað er
til af öðrum blásturshljóðfærum sem nemendur geta leigt.
# ATH. Aldursmörk eru
aðeins gefin til viðmiðunar
Skólagjöld á haustönn 2020 eru:
BÖRN/UNGLINGAR 19 ára og yngri FULLORÐNIR: 20 ára og eldri
Námshlutfall Börn/unglingar Námshlutfall Fullorðnir
Fullt nám: kr. 40.025 Fullt nám: kr. 138.550
Hálft nám: kr. 24.170 Hálft nám: kr. 83.128
Hóptímar: kr. 16.935 Hóptímar: kr. 58.497
Fullt+hálft: kr. 56.345 Fullt+hálft: kr. 193.970
25% afsláttur hjá öðru barni og 50% afsláttur hjá þriðja barni í fjölskyldu
Nemendur á aldrinum 6 – 18 ára geta nýtt frístundastyrkinn og
nú hefur hann hækkað frá síðasta ári (verður 40.000 kr. á ári)
Kennarar veturinn 2021-2022:
Birna Þorsteinsdóttir – forskóli, píanó, söngur, – deildarstjóri
Daði Georgsson – píanó, tækni
Dóra Erna Ásbjörnsdóttir – píanó, harmoníka
Gunnar Ringsted – gítar, bassagítar
Hafsteinn Óðinn Þórisson – gítar, bassagítar, ukulele
Halldór Hólm Kristjánsson – gítar, bassagítar, ukulele
Jakob Grétar Sigurðsson – píanó, trommur
Ólafur Flosason – blástur, píanó, gítar, tónfræði, – deildarstjóri
Sigríður Ásta Olgeirsdóttir – píanó, söngur, söngleikjadeild
Sigurþór Kristjánsson – trommur
Theodóra Þorsteinsdóttir – söngur, söngleikjadeild, – skólastjóri
Þóra Sif Svansdóttir – söngur
Allar frekari upplýsingar veittar í síma 433 7190 og 864 2539
