Umhverfis- og auðlindaráðherra kynnti fyrir helgi 31 verkefni sem fengu úthlutað úr sjóði vegna styrkja til verkefna sem stuðla að eflingu hringrásarhagkerfis á Íslandi.
Alls bárust ráðuneytinu 54 umsóknir og hlaut Borgarbyggð styrki fyrir tvö verkefni, annars vegar styrk fyrir söfnun brotajárns í dreifbýli að upphæð kr. 600.000 og hins vegar fyrir bætta úrgangsþjónustu við frístundahús í sveitarfélaginu að upphæð kr. 4.000.000.
Markmið með styrkveitingunum er að:
a) Efla úrgangsforvarnir á Íslandi, s.s. til að draga úr myndun úrgangs.
b) Bæta flokkun úrgangs hér á landi.
c) Efla tækifæri til endurvinnslu úrgangs sem næst upprunastað.
d) Stuðla að aukinni endurvinnslu og annarri endurnýtingu úrgangs sem fellur til hér á landi.
e) Efla tækifæri til nýsköpunar og þróunar á búnaði sem dregur úr magni úrgangs eða auðveldar flokkun, endurvinnslu og aðra endurnýtingu úrgangs.
Lesa má nánar um úthlutun styrkja á vef stjórnarráðsins hér.
