Category Archive

Fimmtudaginn 12. desember verður Lay Low með tónleika í Landnámssetrinu í Borgarnesi. Á tónleikunum mun Lay Low njóta fulltingis hljómsveitar sinnar sem skipuð er þeim Birki Hrafni Gíslasyni og Bassa Ólafssyni. Um upphitun sér Snorri Helgason og hefjast tónleikarnir kl. 21.00.    

Sigrún Elíasdóttir verður gestur kvöldsins á prjóna-bókakaffi í bókhlöðu Snorrastofu í kvöld kl. 20.00. Sigrún les úr nýrri bók sinni, „Kallar hann mig, kallar hann þig“. Bókin fjallar um afa Sigrúnar, Jóhannes Arason frá Seljalandi í Gufudalssveit. Einnig verður kynnt bókin „Héraðsskólar Borgfirðinga“ eftir Lýð Björnsson en Snorrastofa gefur bókina út. Allir velkomnir.    

Björgunarsveitin Heiðar verður með jólatrjáasölu í samvinnu við Skógræktarfélag Borgarfjarðar í Grafarkotsskógi laugardaginn 14. og sunnudaginn 15. des. kl. 12.00 – 16.00. Björgunarsveitarmenn verða á staðnum og aðstoða fólk við að velja sér jólatré og fella það. Þeir munu svo sjá um að pakka trjánum. Grafarkotsskógur er við þjóðveg 1 milli BSRB Munaðarnes og Bifrastar.  

Vegna tenginga nýs kafla í Deildartunguæðinni verður lægri þrýstingur hitaveitu á Vesturlandi í dag, miðvikudaginn 11. desember. Þetta er síðasta lokun fyrir veituna vegna framkvæmda við endurnýjun á þessum vetri. Um er að ræða tengingu á 1.400 metra stálkafla við Neðri-Hrepp og Skeljabrekku. Til þess að spara vatn verður þrýstingur lækkaður á dreifikerfunum á Akranesi og Borgarnesi frá um kl. …

Vegna tenginga hjá Orkuveitunni verður heita vatnið tekið af útisundlauginni og heitu pottunum í Borgarnesi. Útisvæði sundlaugarinnar lokar því fljótlega upp úr hádegi eða eftir því sem vatnið kólnar. Opnað verður aftur á fimmtudagsmorgunn.  

Leikskólinn Andabær á Hvanneyri verður formlega að heilsuleikskóla á morgun, miðvikudaginn 11. desember. Af því tilefni verður vígsluhátíð í leikskólanum sama dag og hefst hún kl. 14.30. Skólinn hefur verið leikskóli á heilsubraut síðustu þrjú ár. Markmið með heilsustefnunni er að auka gleði og vellíðan jafnt barna og starfsfólks leikskólans með áherslu á hreyfingu, holla næringu og listsköpun. Börn og …

Jóhanna Harðardóttir, Kjalnesingagoði og völva verður í Blómasetrinu – Kaffi Kyrrð í dag, þriðjudaginn 10. desember frá kl. 17.15 – 21.00. Ásamt því að kynna og árita bók sína „Galdratákn guðanna“ mun hún kynna og lesa í rúnir fyrir fólk.Á morgun, miðvikudag verður svo guðdómleg súkkulaðikynning í Blómasetri frá kl. 19.30-22.00.  

Með piparkökur í poka   Í síðustu viku var mikið að gera á leikskólanum Klettaborg. Börn og starfsfólk bökuðu piparkökur fyrir Litlu jólin en þau verða fimmtudaginn 19. desember. Öll börnin fóru líka heim með piparkökur til að gefa öðrum fjölskyldumeðlimum að smakka.    

Árlegt jólaútvarp félagsmiðstöðvarinnar Óðals og N.F.G.B. verður sent út frá Óðali 9. – 13. desember frá kl. 10.00 – 23.00 alla daga. Eins og undanfarin ár verður fjölbreytt og skemmtileg dagskrá í boði. Fyrir hádegi verður útvarpað áður hljóðrituðum þáttum yngri bekkja grunnskólans en eftir hádegisfréttir verða unglingarnir með sína þætti í beinni útsendingu. Handritagerð fór fram í skólanum þar …

Þann 3. desember hófst tónleikaröðin Jólin alls staðar, þar sem söngvararnir Friðrik Ómar, Greta Salóme, Heiða Ólafs og Jógvan Hansen heimsækja kirkjur vítt og breitt um landið ásamt einvalaliði tónlistarmanna. Þau koma víða við og alls eru áætlaðir yfir tuttugu tónleikar. Þau syngja saman í Borgarneskirkju í kvöld, 9. des. kl. 20.00. Efnisskráin er hátíðleg en í senn skemmtileg og …