Pokasalan í Rauðakrossbúðinni í Borgarnesi heldur áfram dagana 28. og 29. október. Þar getur fólk keypt pokann á 1000 kr. og sett í hann allt sem það vill. Verslunin verður opin föstudag kl. 12-18.00 og laugardag kl. 13-16.00.    

Síðasta söfnun á rúlluplasti á vegum sveitarfélagsins á þessu ári fer fram þann 29. nóvember til 6. desember. Þeir sem óska eftir að rúlluplast verði sótt til þeirra heima að bæjum, en hafa ekki þegar pantað þjónustuna er bent á að gera það í tíma. Hér má sjá auglýsinguna sem gildir fyrir þetta ár.  

  Á fundi sínum, þriðjudaginn 18. október síðastliðinn, samþykkti sveitarstjórn Borgarbyggðar forvarnarstefnu í málefnum barna, unglinga og ungmenna. Forvarnarstefnan á að vera lifandi og virk á hverjum tíma og verður endurskoðuð árlega. Forvarnarstefnuna má sjá hér.  

Ein mynda Einars Ingimundarsonar málara hefur nú verið hengd upp í anddyri Safnahúss þar sem einnig er gerð grein fyrir höfundi hennar í nokkrum orðum. Þetta er liður í að miðla merkum safnkosti Listasafns Borgarness með tímabundnum örsýningum. Mynd Einars er máluð ofarlega í Húsafellslandi og sýnir landslagið í nágrenni Kaldadals, tignarlega jökla og fjöll. Staðhættir og sögulegar heimildir voru …

Vegna malbikunarframkvæmda verður Egilsgötu lokað tímabundið eða frá því seinni partinn í dag og fram eftir degi á morgun (lokað Skúlagötumegin). Leiðin frá „rakarahorni“ inn Egilsgötu og upp Bröttugötu verður opin eftir sem áður. Umhverfis- og Skipulagssvið  

Til foreldra og forráðamanna Kynning á niðurstöðum rannsókna á vímuefnaneyslu meðal nemenda Menntaskóla Borgarfjarðar og nemenda í efstu bekkjum grunnskóla Borgarbyggðar fer fram miðvikudaginn 19. október kl. 17.00 í Menntaskóla Borgarfjarðar. Jón Sigfússon, framkvæmdastjóri Rannsókna og greininga, kynnir niðurstöðurnar og fjallar um áhrifavalda á vímuefnaneyslu ungs fólks. Fundarboðendur eru Menntaskóli Borgarfjarðar og grunnskólar Borgarbyggðar.  

Tilkynning frá leikskólanum Hnoðrabóli: Leikskólinn Hnoðraból heldur upp á 25 ára afmælið sitt með opnu húsi fimmtudaginn 20. október kl. 13.30-15.30. Þann dag bjóða börn, starfsfólk og foreldrar, alla þá sem vilja koma og þiggja veitingar í tilefni dagsins og skoða sýningu á verkum barnanna, velkomna á Hnoðraból. Hlökkum til að sjá ykkur öll kæru sveitungar, gamlir nemendur, starfsfólk og …

Formaður umhverfis- og skipulagsnefndar Borgarbyggðar, Ragnar Frank Kristjánsson, afhenti umhverfisviðurkenningar Borgarbyggðar á sviðinu í Skallagrímsgarði í Borgarnesi á Sauðamessu kl. 15 í dag,þann 15. október 2011. Umhverfisviðurkenningar Borgarbyggðar eru veittar árlega og auglýst er eftir tilnefningum á hverju vori. Umhverfis- og skipulagsnefnd fer yfir tilnefningar og ákveður hverjir hljóta viðurkenningarnar hverju sinni. Að þessu sinni bárust í allt 13 tilnefningar. …

Að undanförnu hefur verið unnið með verkefni tengd sauðkindinni á eldri deildum leikskólans Klettaborgar. Áhugi barnanna er mikill sem bæði hefur birst í verkefnum og í frjálsa leiknum þar sem t.d. eru búnar til réttir, dregið í dilka o.fl. Hluti af verkefnunum eru nú til sýnis í Hyrnutorgi.    

  Tómstundanefnd Borgarbyggðar vinnur að stefnumótun í tómstundamálum og kallar á íbúa til að taka þátt. Nú er komið að öðrum hluta í þessu verkefni. Búið er semja drög að stefnumótun með því að setja hugmyndir sem komu af íbúafundi í samfelldan texta og óskar nefndin eftir því að íbúar komi með fleiri hugmyndir eða athugasemdir. Hér má nálgast drögin. …