Category Archive

Leikskólinn Klettaborg í Borgarnesi auglýsir eftir starfskrafti tímabundið frá 1. janúar-31. maí 2011, vinnutími er kl. 14.30-16.30 daglega. Umsóknarfrestur er til 14. desember n.k. og þurfa umsóknir að berast til leikskólastjóra. Nánari upplýsingar veitir Steinunn Baldursdóttir leikskólastjóri í síma 437-1425 eða á netfanginu steinunn@borgarbyggd.is. Sjá nánar hér.    

Tilkynning frá Reykholtskórnum: Næstkomandi föstudag, 10. desember verður sr. Geir Waage sóknarprestur í Reykholti sextugur. Af því tilefni heldur Reykholtskórinn tónleika honum til heiðurs. Tónleikarnir verða í Reykholtskirkju á afmælisdaginn og hefjast kl. 20.30. Strax á eftir bjóða sóknarnefndir í prestakallinu upp á veitingar í safnaðarsal kirkjunnar. Sóknarbörn, vinir og velunnarar sr. Geirs eru hjartanlega velkomin.  

Í Borgarnesi hefur verið í gangi Listasmiðja fyrir fólk með fötlun, á vegum Símenntunarmiðstöðvar Vesturlands, frá því í mars á þessu ári. Boðið er til sýningar á verkum nemenda í Pakkhúsinu í Brúðuheimum, mánudaginn 13. desember kl. 17 – 19. Allir velkomnir. Leiðbeinandi á námskeiðinu er Ólöf S. Davíðsdóttir listakona í Gallerí Brák. Nemendur/listamennirnir koma frá Fjöliðjunni og sambýlinu í …

Nemendur Grunnskóla Borgarfjarðar á Hvanneyri hafa í mörg ár teiknað jólakort sem þau hafa selt og hefur ágóðinn af sölunni runnið til góðgerðamála. Í ár rennur ágóðinn af jólakortasölunni til Pálfríðar Sigurðardóttur frá Stafholtsey, en hún gekkst undir erfiða hjartaaðgerð núna í haust. Jólakortin eru til sölu í skólanum og nemendur verða einnig með aðstöðu á jólamarkaðinum í Ullarselinu þann …

Breyting hefur orðið á jólatónleikum Tónlistarskóla Borgarfjarðar. Söngdeildartónleikar sem vera áttu þann 14. desember hafa verið færðir fram til 10. desember næstkomandi og hefjast kl. 18.00. Nýja auglýsingu frá Tónlistarskólanum má skoða hér.  

Akstursstyrkir á íþróttaæfingar 2010 Í desember ár hvert eru styrkir vegna aksturs barna og unglinga úr dreifbýli á skipulagðar íþróttaæfingar á vegum félaga í Borgarbyggð afgreiddir. Umsóknum skal skilað til íþrótta- og æskulýðsfulltrúa í Ráðhús Borgarbyggðar með þeim gögnum sem óskað er eftir að fylgi s.k. nýjum reglum um þessa styrki.   Reglur um akstursstyrki vegna íþróttaæfinga Reglur um akstursstyrki …

Blóðbankabíllinn verður í Borgarnesi við Hyrnuna, þriðjudaginn 7. desember næstkomandi kl. 10.00 – 17.00. Allir eru velkomnir, jafnt nýir sem vanir blóðgjafar og Blóðbankinn vonast til að sem flestir sjái sér fært að koma og gefa blóð. Að jafnaði þarf bankinn um 70 blóðgjafa á dag. Blóðgjöf er lífgjöf.  

Ungmennafélagið Íslendingur hefur undafarið sýnt leikritið „Með fullri reisn“ í félagsheimilinu Brún í Bæjarsveit. Leikstjóri er Margrét Ákadóttir. Nú er komið að lokasýningum hjá félaginu og verða síðustu sýningar laugardaginn 4. desember og sunnudaginn 5. desember og hefjast kl. 20.30.  

mynd_bhsAðventutónleikar Kóraborgar verða í Reykholtskirkju í kvöld, fimmtudaginn 2. desember og hefjast kl. 20.30. Kóraborg eru samtök kóra í Borgarfjarðarhéraði og nágrenni og er þetta í annað sinn sem tónleikarnir eru haldnir á þeirra vegum. Áður voru þessir tónleikar kenndir við Sparisjóð Mýrasýslu. Hér má sjá dagskrá tónleikanna.    

Sálfræðingur óskast í 70% starf við félagsþjónustu Borgarbyggðar. Um er að ræða nýja stöðu vegna yfirtöku sveitarfélaga á þjónustu við fatlaða. Helstu verkefni eru þjónusta við börn og fjölskyldur og barnavernd. Við leitum að einstaklingi með fjölbreytta reynslu sem er tilbúinn til að taka frumkvæði og sýna sjálfstæði í vinnubrögðum. Við bjóðum upp á fjölbreytt verkefni á sviði velferðarmála, svigrúm …