Category Archive

Borgarnes_gjAllir þekkja þann mikla fjölda greiðsluseðla sem berast inn á heimili. Þeir sem vilja losna við að fá greiðsluseðla frá Borgarbyggð, t.d. fyrir leikskólagjöldum eða mötuneytisgjöldum, geta haft samband við afgreiðslu Borgarbyggðar og óskað eftir að fá ekki senda greiðsluseðla fyrir viðkomandi gjöldum. Þetta þýðir þó ekki að viðkomandi losni við að greiða reikninginn, heldur birtast greiðsluupplýsingar hans eingöngu í …

Að loknum jólum er íbúum bent á að fara með jólatré sín á gámastöð eða gámavelli í sveitarfélaginu. Gámastöðin við Sólbakka í Borgarnesi er opin mánudaga til og með laugardaga frá kl. 14.00 – 18.00. Rétt er að benda á að sveitarfélagið stendur ekki lengur fyrir sérstakri söfnun/hreinsun jólatrjáa. Framkvæmdasvið Borgarbyggðar    

Indriði Jósafatsson sem gengt hefur starfi íþrótta- og æskulýðsfulltrúa hjá Borgarbyggð hætti störfum hjá sveitarfélaginu nú um áramótin. Eiginlegt starf íþrótta- og æskulýðsfulltrúa hefur nú verið lagt niður og verkefnum skipt niður á aðra starfsmenn sveitarfélagsins. Félagsmálastjóri tekur við forvarnar- og æskulýðsmálum og fræðslustjóri mun sinna íþróttamálum. Sigurþór Kristjánsson mun hafa umsjón með æskulýðsmiðstöðvum í sveitarfélaginu. Sveitarstjórn og samstarfsmenn Indriða …

Við áramót er hollt og gott að líta yfir farinn veg og rifja upp og meta hverju árið sem senn er á enda hefur skilað og spyrja „höfum við gengið til góðs götuna fram eftir veg“. Í þessum stutta pistli ætla ég að tæpa á því helsta sem unnið hefur verið að á vettvangi sveitarfélagsins á árinu. Undanfarin tvö ár …

Fréttablaðskassar sem er að finna í Borgarnesi, verða teknir niður miðvikudaginn 29. desember. Þetta er gert vegna aukinnar hættu á skemmdum um áramótin. Kassarnir verða aftur settir upp á nýju ári.  

Skömmu fyrir jól minntist Vegagerð ríkisins hundrað ára starfsafmælis í Borgarnesi en það var árið 1910 sem Guðjón Bachmann brúasmiður og verkstjóri fluttist í Borgarnes og hóf þar störf við vegagerð. Af þessu tilefni afhenti stofnunin Byggðasafni Borgarfjarðar líkan af gömlu Hvítárbrúnni, sem þótti á sínum síma mikið verkfræðiafrek og er enn mikil héraðsprýði. Líkanið er í hlutföllunum 1:42 og …

Björgunarsveitir í Borgarbyggð verða að vanda með flugeldasölu nú fyrir áramótin. Flugeldasalan er stærsti þátturinn í tekjuöflun björgunarsveitanna. Styðjum þeirra góða starf og kaupum flugeldana í heimabyggð. Björgunarsveitin Ok verður með flugeldasölu í húsi Bútæknideildar á Hvanneyri og í Blómaskálanum á Kleppjárnsreykjum. Björgunarsveitirnar Heiðar og Brák verða með sína sölu í Pétursborg í Brákarey. Opnunartímar eru sem hér segir:   …

Jólakveðja Sveitarstjórn og starfsfólk Borgarbyggðar senda íbúum Borgarbyggðar og landsmönnum öllum, bestu óskir um gleðileg jól og farsæld á komandi ári. Þökkum samskiptin á árinu sem er að líða.  

Jólagjöfin í ár gæti verið gjafabréf í sund og þrek sem nú er á sérstöku jólatilboði í íþróttamiðstöðinni Borgarnesi til jóla. Um er að ræða mánaðarkort á 4.500 kr. í stað 5.700 kr. Kortin fást í afgreiðslu íþróttamiðstöðvarinnar. Verðskrá íþróttamiðstöðva hækkar um áramót að jafnaði um 7% og tekið verður upp barnagjald fyrir aldraða og öryrkja. Munið okkar vinsæla jólabað …

Þriðjudaginn 21. desember verður þess minnst að í ár eru 100 ár síðan Vegagerðin hóf formlega starfsemi í Borgarnesi. Af því tilefni verður opið hús í Safnahúsinu í Borgarnesi þar sem Vegagerðin mun m.a. færa Byggðasafni Borgarfjarðar líkan af Hvítárbrúnni til varðveislu. Húsið opnar kl.16.00.   Allir velkomnir. Vegagerðin og Borgarbyggð