![Featured image for “Gatnaframkvæmdir á Borgarbraut”](https://dev.borgarbyggd.is/wp-content/uploads/2023/09/afangi1.jpg)
Á næstunni hefjast framkvæmdir Veitna, RARIK, Vegagerðarinnar og Borgarbyggðar á Borgarbraut. Verkið felst í endurnýjun fráveitulagna, hitaveitu- og vatnslagna ásamt endurnýjun yfirborðs götu og gangstíga á um 550 m kafla Borgarbrautar, milli Böðvarsgötu og Egilsgötu.
Verkið er áfangaskipt og er áætlað að 1. áfanga verði lokið fyrir 1. október 2022. Áfangar 2 og 3 verða unnir á árinu 2023 og verkinu verður að fullu lokið 15. október 2023.
Framkvæmdir við 1. áfanga hefjast á næstu dögum og verður Borgarbraut því lokað frá Skallagrímsgötu að Egilsgötu. Hjáleiðir verða um Böðvarsgötu, Þórólfsgötu, Sæunnargötu og Bjarnarbraut.
Framkvæmdirnar munu hafa töluverð áhrif á umferð á svæðinu en settar verða upp viðeigandi merkingar um hjáleiðir. Gera má ráð fyrir aukinni umferð vinnuvéla og öðru raski á verktímanum.
Íbúar og fyrirtæki í bænum mega búast við einstaka lokunum á rafmagni, hitaveitu og/eða vatnsveitu á verktímanum og verður upplýst um þær með eins góðum fyrirvara og hægt er hverju sinni.
Íbúar eru beðnir velvirðingar á þeim óþægindum sem þetta kann að valda.