Íbúar, sumarhúsaeigendur og aðrir gestir í Borgarbyggð eru beðnir um að fara gætilega og varast aðstæður og athafnir sem geta leitt af sér að eldur yrði laus í gróðri á meðan á þurrkatíð stendur. Athugið að meðferð opins elds er stranglega bönnuð í Borgarbyggð.
Hættustig er í gildi í Borgarbyggð vegna hættu á gróðureldum og því þarf að hafa eftirfarandi í huga:
- Kveikja ekki eld innan sem utandyra (kamínur, grill, varðelda, flugelda og annað sambærilegt).
- Nota ekki einnota grill sem og venjuleg grill.
- Kanna flóttaleiðir við og frá sumarhúsum.
- Huga að brunavörnum (slökkvitæki, reykskynjarar) og gera flóttaáætlun.
- Vinna ekki með verkfæri sem hitna mikið eða valdið geta neista.
- Fjarlægja eldfim efni við hús (huga að staðsetningu gaskúta).
- Bleyta gróður í kringum hús þar sem þurrt er.
Hægt er að kynna sér betur hættur vegna gróðurelda á: www.grodureldar.is.
