Vetrarstarf Tónlistarskóla Borgarfjarðar er hafið. Fyrsti kennsludagur er í dag fimmtudag eins og hjá grunnskólunum.
Starfið verður fjölbreytt að vanda og í vetur verður boðið upp á nýjungar, en bætt verður við söngleikjadeild fyrir börn og samsöngsdeild fyrir fullorðna.
Einnig verða breytingar á starfsfólki, Jónína Erna Arnardóttir, sem starfað hefur við skólann yfir tuttugu ár hverfur til annarra starfa og tekur við skólastjórastarfi Tónlistarskólans á Akranesi. Tónlistarskóli Borgarfjarðar þakkar henni vel unnin störf.
Halldóra Rósa Björnsdóttir kemur inn nýr kennari við söngleikjadeildina og nýir píanókennarar verða Anna Þórhildur Gunnarsdóttir og Daði Georgsson.
Fyrir utan söng- og forskólakennslu er meðal annars kennt á blokkflautu, píanó, gítar, ukulele, klarinett, trompet og þverflautu.
Góð aðsókn er í skólann og fullt í flestum deildum. Áhugasömum er velkomið að kíkja við og hægt er að sækja um tónlistarnám á þessum link: https://www.schoolarchive.net/school/AdmissionForm.aspx?orgId=32&periodId
Nánari upplýsingar veitir skólastjóri í síma 433 7190.
