![Featured image for “Leikskólinn Andabær heiðraður fyrir brautryðjendastarf í leikskólum”](https://dev.borgarbyggd.is/wp-content/uploads/2023/09/72434423_2841887399178822_7680436161394769920_o.jpg)
Guðmundur Ingi Guðbrandsson, umhverfis- og auðlindaráðherra heiðraði þrjá skóla á ráðstefnu Skólar á grænni grein þann 7. febrúar s.l. Gaman er að segja frá því að leikskólinn Andabær er á meðal þeirra leikskóla sem fékk viðurkenningu fyrir frábæran árangur í umhverfismálum.
Á vef Landverndar er eftirfarandi umsögn um skólann:
,,Andabær hóf þátttöku árið 2004 og hefur frá upphafi lagt mikla áherslu á umhverfismálin. Sérstaða leikskólans felst ekki síst í valdeflingu leikskólabarna í gegnum verkefnið „Leiðtoginn í mér“ sem þau nýta vel í grænfánastarfinu. Leikskólinn er einnig í sérstaklega góðum tengslum við nærsamfélagið og vinnur að verkefnum í samstarfi við önnur skólastig á svæðinu. Jafnframt er leikskólinn í mjög góðum tengslum við foreldrasamfélagið t.d. í gegnum fataskiptamarkaði sem haldnir eru reglulega innan skólans. Hvort tveggja eru mikilvægir þættir í grænfánavinnunni.“
Borgarbyggð óskar leikskólanum til hamingju með viðurkenninguna