![Featured image for “Laust starf skipulagsfulltúa”](https://dev.borgarbyggd.is/wp-content/uploads/2023/09/borgarfjordur2020-00239.jpg)
Við leitum eftir sérfræðing til þess að taka þátt í að efla þjónustu sveitarfélagsins. Borgarbyggð hefur einsett sér að leggja aukna áherslu á notendamiðaða þjónustuhönnun, tækniframþróun og þjónustu við íbúa og viðskiptavini.
Í þeirri vegferð sem er framundan ætlum við að efla stjórnsýslu og þjónustu sveitarfélagsins og vera tilbúin til að mæta áskorunum framtíðarinnar. Áhersla verður lögð á þverfaglegt samstarf í verkefnamiðuðu umhverfi og frekari þróun innra starfs sem leiði í senn til framúrskarandi þjónustu og öflugs vinnuumhverfis.
Viðkomandi mun starfa í samræmi við hlutverk skipulagsfulltrúa í skipulagslögum. Auk þess mun viðkomandi hafa eftirlit með framkvæmdaleyfisskyldum framkvæmdum og vinna með skipulagsáætlanir.
Viðkomandi mun heyra undir stjórnsýslu- og þjónustusvið Borgarbyggðar, næsti yfirmaður er deildarstjóri skipulags- og byggingarmála.
Erum við að leita að þér?
Helstu verkefni og ábyrgð
- Umsjón skipulagsmála í sveitarfélaginu
- Útgáfa framkvæmdarleyfa og gerð umsagna um skipulags- og byggingaerindi
- Umsjón með grenndarkynningu deiliskipulagsbreytinga og byggingaleyfa
- Auglýsir skipulagslýsingar og skipulagsbreytingar lögum samkvæmt
- Undirbúningur funda skipulags- og byggingarnefndar
- Lögformleg afgreiðsla erinda og eftirfylgni mála
- Upplýsingagjöf og samskipti við íbúa, kjörna fulltrúa og aðra hagsmunaaðila
Menntunar- og hæfniskröfur
- Háskólamenntun sem nýtist í starfi, svo sem arkitekt, landslagsarkitekt eða skipulagsfræðingur
- Framhaldsmenntun sem nýtist í starfi æskileg
- Umsækjandi skal uppfylla menntunar- og hæfniskröfur samkvæmt 7. grein skipulagslaga nr. 123/2010 og 2.5. kafla skipulagsreglugerðar nr. 90/2013
- Reynsla af starfi tengdu skipulagsmálum er skilyrði
- Þekking á opinberri stjórnsýslu æskileg
- Frumkvæði í starfi, skipulagshæfileikar og sjálfstæð vinnubrögð
- Hæfni í mannlegum samskiptum
- Nákvæmni og hæfni í framsetningu efnis.
Umsókn þarf að fylgja yfirlit yfir nám og fyrir störf og rökstuðningur fyrir hæfni viðkomandi í starfið.
Umsóknir óskast fylltar út á hagvangur.is – sjá nánar hér.
Borgarbyggð hvetur áhugasama til að sækja um óháð kyni og uppruna.
Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.
Nánari upplýsingar veitir Þórdís Sif Sigurðardóttir á netfangið sveitarstjóri@borgarbyggd.is, í síma 433-7100.