Föstudaginn 4. júní sl. var Grænfánanum flaggað á bæði Kleppjárnsreykjum og Varmalandi.
Öflugar umhverfisnefndir hafa verið starfandi á báðum stöðum og hafa í vetur unnið að þemum Grænfánans og uppskáru viðurkenninguna fyrir starfið á föstudaginn við hátíðlega athöfn.
Grænfáninn er alþjóðleg viðurkenning sem er veitt þeim skólum sem standa sig vel í umhverfismálum og vinna að sjálfbærni. Skólar sem hafa hlotið þessa viðurkenningu flagga fánanum við skólann sinn eða skarta skilti með grænfánamerkinu. Grænfánaskóla má finna í 68 löndum víða um heim og er verkefnið rekið af FEE, Foundation for Environmental Education. Á Íslandi hefur Landvernd haft umsjón með verkefninu frá upphafi.
Til hamingju með flottan árangur.
