Dagforeldrar óskast til starfa í Borgarbyggð. Nú er tækifæri fyrir áhugasama aðila að starfa með yngstu börnunum í heimahúsi. Um starfsemi dagforeldra gildir reglugerð nr. 907/2005 um daggæslu barna í heimahúsum.
Verkefni og ábyrgðarsvið
- Starfa sem sjálfstæðir verktakar með starfsleyfi og eftirlit frá Borgarbyggð
- Veita börnum góða umönnun, öryggi og hlýju
- Sækja grunnnámskeið fyrir dagforeldra
- Taka þátt í skyndihjálparnámskeiðum og fræðslu sem boðið er upp á hverju sinni
Hæfniskröfur
- Skal ekki vera yngri en 20 ára
- Heilsuhraustur
- Hafa ríka ábyrgðartilfinningu
- Aðgangur að húsnæði sem uppfyllir þau skilyrði sem sett eru fram í reglugerð
- Aðgangur að útileiksvæði
Niðurgreiðslur og gjöld foreldra eru samkvæmt núgildandi reglum um niðurgreiðslur til dagforeldra í Borgarbyggð.
Umsóknafrestur er til og með 30. mars 2017.
Upplýsingar um störfin veitir Anna Magnea Hreinsdóttir, sviðsstjóri fjölskyldusviðs, netfang: annamagnea@borgarbyggd.is og í síma 840 1522.
Umsækjendur eru beðnir um að sækja um leyfi til daggæslu barna á íbúagátt Borgarbyggðar. Með umsókn þarf að fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni í starfið.
