![](https://borgarbyggd.is/images/Mynd_0336506.jpg)
Á fundi sínum þann 23. janúar síðastliðinn ræddi Byggðarráð Borgarbyggðar ályktanir atvinnu- og markaðsnefndar og stjórnar Faxaflóahafna um nauðsyn þess að hefjast handa við lagningu Sundabrautar og aðrar úrbætur á Vesturlandsvegi. Að umræðum loknum samþykkti Byggðaráð eftirfarandi bókun:
“Byggðarráð Borgarbyggðar hvetur samgönguráðherra til að beita sér fyrir bættum samgöngum milli Borgarness og Reykjavíkur. Lagning Sundabrautar og úrbætur á Vesturlandsvegi eru framkvæmdir sem skilyrðislaust þarf að ráðast í.”