Category Archive

Næstkomandi þriðjudag, þann 7. nóvember, verður haldinn nokkuð sérstakur fyrirlestur fyrir nemendur grunnskólanna og aðstandendur þeirra. Þetta er fyrirlestur Stefáns Karls Stefánssonar leikara um einelti og verður hann sendur út í gegnum internetið og sýndur á tjaldi. Hér er eiginlega um tvo fyrirlestra að ræða, annar er fluttur að morgninum fyrir nemendur skólanna og hinn er kl. 20 fyrir hina …

Skilafrestur í samkeppni Borgarbyggðar um byggðarmerki fyrir sveitarfélagið rennur út eftir tæpa viku, þann 8. nóvember. Um er að ræða opna samkeppni og eru íbúar Borgarbyggðar sérstaklega hvattir til þátttöku. Engin takmörk eru á fjölda tillagna frá hverjum þátttakanda. Úrslit verða kynnt á vef sveitarfélagsins sunnudaginn 19. nóvember. Sjá nánar um þetta hér til hægri á síðunni.  

Lagadeild Háskólans á Bifröst heldur málþing í dag kl. 13.00. Aðalfyrirlesari er Dr. jur. Jens Evald prófessor við Háskólann í Árósum. Aðrir fyrirlesarar eru Dóra Guðmundsdóttir, LLM, stundakennari á Bifröst; Ingibjörg Þorsteinsdóttir, lektor við Háskólann á Bifröst, Skúli Magnússon, héraðsdómari og dósent við Háskóla Íslands og Kristrún Heimisdóttir, lögfræðingur og stundakennari á Bifröst. Fundarstjóri er Bryndís Hlöðversdóttir forseti lagadeildar Háskólans …

Landnámssetur og Safnahús Borgarfjarðar efna til samstarfs um fimmtudagskvöldvökur í nóvember og desember. Upplýsingar um fyrstu kvöldvökuna verður að finna á www.landnamssetur.is og á www.safnahus.is. Einnig hefur Landnámssetur tekið að sér milligöngu um að opna sýningu Safnahússins um Pourqoui Pas? utan auglýsts opnunartíma Safnahússins. Á miðvikudagskvöldið næstkomandi, þann 1. nóvember, verður opið hús í Landnámssetri þar sem vetrarstarfið verður kynnt …

Safnahús Borgarfjarðar er við Bjarnarbraut í Borgarnesi og er opið alla daga frá kl. 13.00. Á mánudögum, miðvikudögum og föstudögum er það opið til 18.00, en á þriðjudögum og fimmtudögum er opið lengur: til 20.00. Safnahúsið er að stærstum hluta í eigu Borgarbyggðar en einnig eiga nágrannasveitarfélög aðild. Í húsinu er gott bókasafn með 30.000 bókatitlum, auk merks bókasafns Páls …

Blóðbankabíllinn verður í Borgarnesi í dag miðvikudaginn 25. október frá kl. 10:00-17:00. Bíllinn verður við Hyrnuna. Allir sem eru heilsuhraustir á aldrinum 18-60 ára ( virkir blóðgjafar 65 ára) eru velkomnir. Framvísa þarf persónuskilríki með mynd í hvert skipti sem komið er í blóðgjöf.    

Leikskólakennara vantar í 100 % starf við leikskólann við Skallagrímsgötu í Borgarnesi frá og með 1. desember n.k. Vakin er athygli á því að ef ekki fæst leikskólakennari til starfa er ráðinn starfsmaður með aðra uppeldismenntun og/eða reynslu.  

Minnt er á að fundur Skipulags- og bygginganefndar er á þriðjudaginn í næstu viku. Erindi sem leggja á fyrir nefndina á fundi hennar þá verða að hafa borist á skrifstofu sveitarfélagsins í síðasta lagi síðdegis fimmtudaginn 26. október. Reglulegir fundartímar Skipulags- og bygginganefndar Borgarbyggðar eru annan og síðasta þriðjudag hvers mánaðar.

Njarðvíkingar sigruðu Borgnesinga naumlega í spennandi leik sem spilaður var í Borgarnesi í gærkvöldi. Skallagrímur átti frábæran fyrri hálfleik en í seinni hálfleik komust Njarðvíkingar inn í leikinn sem varð æsispennandi í lokin og lauk með stöðunni 87-84. Fyrstu tveir leikir mótsins gefa vonir um að framundan sé gott tímabil hjá leikmönnum og stuðningsliði sem fjölmennti í stúkuna og skemmti …

Mánudaginn 23. október hefst meðgöngusund í Íþróttamiðstöðinni í Borgarnesi. Um er að ræða styrkjandi og liðkandi æfingar fyrir konur á meðgöngu. Sundið verður í innisundlauginni og hefst kl. 20.15 á mánudagskvöld, en verður svo einnig á fimmtudögum kl. 16.15 á sama stað. Leiðbeinandi er Helga Ágústsdóttir sjúkraþjálfari.