Fréttatilkynning: Sannlega segjum við yður að Sauðamessa 2010 verður haldin með viðhöfn á laugardaginn kemur, þann 9. október anno domini 2010. Messuhald hefst með fjárrekstri frá Dvalarheimili aldraðra klukkan 13.30 að staðartíma. Hámenntaðir rekstrarfræðingar munu stýra rekstrinum rétta leið í réttina sem er rétt hjá Skallagrímsgarði. Viljum vér messuhaldarar biðja fólk að verja heimalönd sín á leið þeirri er féð …

Gefin hefur verið út ný stundaskrá hjá félagsstarfi eldri borgara í Borgarnesi og nágrenni. Mistök urðu við gerð fyrri stundarskrár en þar var kórastarf sett á rangan dag. Kórinn mun æfa á þriðjudögum í vetur. Nýju stundaskrána má nálgast hér.  

Farið verður aftur af stað með ungbarnasund í sérupphitaðri innilauginni í íþróttamiðstöðinni Borgarnesi næsta föstudag kl. 15.00 ef þátttaka er næg. Tekið er á móti skráningu í afgreiðslu íþróttamiðstöðvarinnar. Það er Helga Svavarsdóttir íþróttakennari sem hefur tekið að sér að leiðbeina og eru foreldrar hvattir til að mæta með barnið í heita sundlaugina. Gjald er 1.000 kr. pr skipti. ij …

Næstkomandi laugardag 2. október, boðar Framfarafélag Borgfirðinga til kynningarfundar um ylrækt. Þórhallur Bjarnason garðyrkjubóndi á Laugalandi segir frá ylrækt í héraðinu og vannýttum möguleikum innan húss sem utan. Fundurinn fer að venju fram í Logalandi og hefst hann klukkan 14.00. Framfarafélag Borgfirðinga hvetur fólk til að mæta og taka þátt í umræðum. Á staðnum verða seldar kaffiveitingar.  

Nýr framkvæmdastjóri, Hrönn Jónsdóttir, hefur verið ráðinn til starfa hjá Ungmennasambandi Borgarfjarðar. Kristján Guðmundsson sem verið hefur framkvæmdastjóri undanfarið hætti störfum nú í haust og settist á skólabekk. Hrönn hefur þegar hafið störf. Formlegur opnunartími skrifstofu sambandsins er mánudaga, þriðjudaga og fimmtudaga frá kl. 13.00-15.00. Þess utan er starfsmaður alla jafna mikið á skrifstofunni og sjálfsagt mál að kíkja í …

Eins og kunnugt er var sorphirða í Borgarbyggð nýlega boðin út og í kjölfar þess var ákveðið að semja við Íslenska gámafélagið ehf. um sorphirðu í sveitarfélaginu. Í nýjum samningi er það almenn regla að tvær tunnur verði við hvert heimili í þéttbýli. Annars vegar tunna fyrir óflokkað sorp og hins vegar tunna fyrir sorp sem má endurvinna. Óflokkað sorp …

Tríóið Guitar Islancio mun ásamt Agli Ólafssyni söngvara halda tónleika í Logalandi fimmtudaginn 30. september næstkomandi og hefjast þeir kl. 20.00. Egill og þeir félagar í Guitar Islancio munu meðal annars leita í smiðju Sigfúsar Halldórssonar og Bítlanna. Sjá nánar hér.  

  Samkvæmt reglum Borgarbyggðar eiga tekjulágir elli- og örorkulífeyrisþegar sem eiga lögheimili í Borgarbyggð rétt á afslætti af fasteignaskatti. Afslátturinn nær til íbúðarhúsnæðis sem viðkomandi býr sjálfur í. Afslátturinn ræðst af tekjum undanfarins árs. Hann er reiknaður til bráðabirgða við álagningu fasteignagjaldanna, út frá öllum skattskyldum tekjum einstaklings eða hjóna/sambúðarfólks, þ.m.t. eigna- og fjármagnstekjum samkvæmt síðasta skattframtali. Þegar afslátturinn var …

Óskilaköttur er í vörslu gæludýraeftirlitsmanns. Hann var handsamaður í Borgarnesi þann 26. september. Kötturinn er ómerktur, grábröndótt og blesótt læða. Hann er ungur og lítill, jafnvel ekki fullvaxinn. Eigandi þessa kattar er vinsamlegast beðinn að hafa samband við Sigurð Halldórsson í síma 868-1916 eða 435-1415. Einnig er hægt að hafa samband við skrifstofu Borgarbyggðar í síma 433-7100.  

Neðribæjarsamtökin í Borgarnesi gangast fyrir opnum kynningarfundi mánudagskvöldið 27. september á Hótel Borgarnesi. Efni fundarins eru umræður um starf og stefnu samtakanna, en þau eru nokkurs konar hollvinasamtök gamla miðbæjarins í Borgarnesi.Fundurinn hefst kl. 20.30 og allir þeir sem bera hag Borgarness fyrir brjósti eru hjartanlega velkomnir. Ljósmynd með frétt: Guðrún Jónsdóttir