Á grundvelli verðfyrirspurnar hefur verið samið við endurvinnslufyrirtækið Hringrás um söfnun nokkurra úrgangsflokka haustið 2022.
Verkefnið er sambærilegt því sem var í gangi haustið 2021. Íbúar geta óskað eftir hirðingu heim á hlað á eftirfarandi úrgangsflokkum:
- Bílflök og annað almennt brotajárn.
- Ryðfrítt stál og ál
- Rafgeymar
- Rafmótorar
- Hjólbarðar
Íbúar safna efninu saman á einn stað þar sem það er sótt en geta óskað eftir gámi og/eða þjónustu kranabíls við hirðinguna.Við skráningu þurfa eftirfarandi upplýsingar að koma fram:
- Nafn þess sem óskar eftir þjónustunni, símanúmer og netfang
- Nákvæm staðsetning (bær og svæði)
- Hvers konar úrgangi er áætlað að skila
- Áætlað magn
- Stærð gáms sem óskað er eftir
- Taka þarf fram ef óskað er eftir þjónustu kranabíls
Pantanir þurfa að hafa borist í síðasta lagi 15. október 2022.
Frekari upplýsingar veita Bjarni Viðarsson í síma 660 – 6924 og Hafþór Ægir Þórsson 660-8916 hjá Hringrás.
