Borgarbyggð óskar eftir að ráða verkefnastjóra skipulagsfulltrúa í 100% starf.
Borgarbyggð er fallegt, friðsælt og fjölskylduvænt sveitarfélag á Vesturlandi, í nálægð við allt sem skiptir máli. Við leitum eftir öflugum og drífandi einstaklingum sem sýna metnað og frumkvæði í starfi.
Í starfsmannamálum eru gildin virðing, áreiðanleiki og metnaður höfð að leiðarljósi.
Helstu verkefni og ábyrgð
- Kemur að frumkönnun erinda og kannar hvort gögn uppfylli skilyrði svo megi taka þau fyrir afgreiðslufund skipulagsfulltrúa, eða skipulags- og byggingarnefnd.
- Kemur að nefndarritun afgreiðslufundar skipulagsfulltrúa og skipulags- og byggingarnefndar.
- Gerir auglýsingar og kynningar varðandi skipulagsmál, þar með talið í Stjórnartíðindum.
- Aðstoðar við viðhald og varðveislu uppdrátta og skjala vegna skipulagsmála í samræmi við ákvæði laga og reglugerða þar um.
- Aðstoðar við útreikninga og að reikningar séu gefnir fyrir gjöldum er varðar skipulagsmál samkv. gjaldskrá Borgarbyggðar.
- Önnur verkefni sem viðkomandi er falið af skipulagsfulltrúa.
Menntunar- og hæfniskröfur
- Stúdentspróf eða önnur sambærileg menntun sem nýtist í starfi.
- Góð almenn tölvukunnátta, þekking á OneSystem er kostur.
- Þekking og reynsla sem nýtist í starfi.
- Þekking á opinberri stjórnsýslu er kostur.
- Þekking á skjalavistun opinberra aðila er kostur.
- Færni í mannlegum samskiptum og jákvætt viðmót.
- Nákvæmni og skipulagning í vinnubrögðum.
