Borgarbyggð er fallegt, friðsælt og fjölskylduvænt sveitarfélag á Vesturlandi, í nálægð við allt sem skiptir máli.
Við leitum eftir öflugum og drífandi einstaklingum sem sýna metnað og frumkvæði í starfi. Borgarbyggð hefur einsett sér að leggja aukna áherslu á notendamiðaða þjónustuhönnun, tækniframþróun og þjónustu við íbúa og viðskiptavini.
Í þeirri vegferð sem er framundan ætlum við að efla þjónustu sveitarfélagsins og vera tilbúin að mæta áskorunum framtíðarinnar. Áhersla verður lögð á þverfaglegt samstarf í verkefnamiðuðu umhverfi og frekari þróun innra starfs sem leiði í senn til framúrskarandi þjónustu og öflugs vinnuumhverfis.
Erum við að leita að þér?
Um afleysingarstarf er að ræða í eitt ár.
Deildarstjóri í búsetuþjónustu er starfsmaður félagsþjónustu sveitarfélagsins Borgarbyggðar. Helstu viðfangsefni er þjónusta við fatlaða. Starfið eru unnið samkvæmt lögum um félagsþjónustu sveitarfélaga nr. 40/1991, lögum um þjónustu við fatlað fólk með langvarandi stuðningsþarfir nr. 38/2018, og öðrum þeim lögum og reglugerðum sem við eiga ásamt reglum Borgarbyggðar um þjónustu sveitarfélagsins.
Helstu verkefni og ábyrgð:
- Deildarstjóri leysir forstöðumann af í fjarveru hans
- Tekur virkan þátt í daglegum rekstri deildarinnar
- Leiðbeinir og aðstoðar þjónustuþega við athafnir daglegs lífs eftir því sem við á og tómstundaiðju
- Sinnir faglegum verkefnum s.s. þjónustuáætlanir fyrir þjónustuþega
- Fylgist með heilsu og vellíðan þjónustuþega
- Sinnir öðrum störfum sem honum eru falin af yfirmanni
Menntun og hæfniskröfur:
- Þroskaþjálfamenntun og starfsleyfi sem þroskaþjálfi eða önnur háskólamenntun sem nýtist í starfi
- Reynsla af starfi við félagsþjónustu, málefni fatlaðra eða sambærileg störf mikilvæg
- Samstarfs- og skipulagshæfileikar
- Góð íslenskukunnátta skilyrði
- Þjónustulund og jákvæðni í starfi
- Frumkvæði og sjálfstæði í vinnubrögðum
- Færni í mannlegum samskiptum
Frekari upplýsingar um störfin:
Áhugasamir einstaklingar af öllum kynjum eru hvattir til að sækja um. Launakjör eru samkvæmt gildandi samningum Sambands íslenskra sveitarfélaga við viðkomandi stéttarfélag.
Umsókn skal fylgja náms- og starfsferilskrá ásamt afriti af prófskírteinum og starfsleyfi ef við á. Umsókn fylgi einnig kynningarbréf.
Umsóknir skulu berast í gegnum Alfreð.
Vinnutími: Vaktavinna
Starfshlutfall: 100% (afleysingarstarf í eitt ár)
Starfssvið: Fjölskyldusvið
Umsóknarfrestur er til og með: 27. október 2021
Nánari upplýsingar veitir Guðbjörg Guðmundsdóttir forstöðumaður: gudbjorg.gudmundsdottir@borgarbyggd.is eða símanúmer: 433 – 7280
