Í leikskólanum Uglukletti dvelja 65 börn og 20 fullorðnir sem vilja bæta leikskólakennara í hópinn. Sá hinn heppni fær að njóta margra forréttinda í sinni vinnu. Hann fær meðal annars að vera mikið úti og njóta frábærrar náttúru, fær að skapa og nýta hæfileika og styrkleika sína út í hið óendalega. Í Uglukletti byggir leikskólastarfið á hugmyndafræði Jákvæðrar sálfræði þar sem meðal annars er horft til hugmynda Mihaly Csikszentmihalyi um Flæði auk kenninga um sjálfræði barna. Nánari upplýsingar eru á heimasíðu skólans.
Menntunar- og hæfniskröfur leikskólakennara:
- Leyfisbréf til kennslu (leyfisbréf skal fylgja umsókn)
- Góð færni í mannlegum samskiptum
- Sjálfstæð vinnubrögð
- Jákvæðni, frumkvæði, áhugi og metnaður
Helstu verkefni:
- Leikskólakennari vinnur að uppeldi og menntun leikskólabarna samkvæmt starfslýsingu leikskólakennara og stefnu sveitarfélagsins
Umsóknarfrestur er til 16. júní 2020.
- Laun eru samkvæmt kjarasamningi Sambands íslenskra sveitarfélaga við viðkomandi stéttarfélag. .
- Við hvetjum áhugasama til að sækja um, óháð kyni og uppruna.Til greina kemur að ráða starfsmenn með aðra uppeldismenntun og/eða reynslu.
- Ráðið verður í starfið frá og með 1. ágúst 2020 eða eftir nánari samkomulagi.
Umsóknum skal skilað til Kristínar Gísladóttur leikskólastjóra sem veitir nánari upplýsingar í síma 4337150, netfang; ugluklettur@borgarbyggd.is.
