Almennur íbúafundur í Borgarnesi
Borgarbyggð boðar til íbúafundar miðvikudaginn 11. mars næstkomandi. Fundurinn verður haldinn í Hjálmakletti, Borgarbraut 54 í Borgarnesi og hefst kl. 20:00.
Á fundinum mun Sigursteinn Sigurðsson arkitekt kynna deiliskipulag gamla miðbæjarins sem nú er í auglýsingu skv. skipulagslögum en frestur til að gera athugasemdir við skipulagið er til 23. mars n.k.
Einnig verður kynning á hugmyndum að gerð nýs leiksvæðis í Bjargslandi. Forsaga þess máls er sú að krakkar í Bjargslandi sendu sveitarstjórn bréf 14. júlí 2014 með ósk um að fá leiksvæði í hverfið t.d. til að geta spilað fótbolta.
Í lok fundar verða umræður og fyrirspurnir og kaffi á könnunni.
Jökull Helgason
Forstöðumaður umhverfis- og skipulagssviðs
Borgarbyggðar
