Formaður umhverfis- og skipulagsnefndar Borgarbyggðar, Ragnar Frank Kristjánsson, afhenti umhverfisviðurkenningar Borgarbyggðar á sviðinu í Skallagrímsgarði í Borgarnesi á Sauðamessu kl. 15 í dag,þann 15. október 2011. Umhverfisviðurkenningar Borgarbyggðar eru veittar árlega og auglýst er eftir tilnefningum á hverju vori. Umhverfis- og skipulagsnefnd fer yfir tilnefningar og ákveður hverjir hljóta viðurkenningarnar hverju sinni. Að þessu sinni bárust í allt 13 tilnefningar.
Veittar voru viðurkenningar í eftirfarandi flokkum.
1. Myndarlegasta bændabýlið 2011.
2. Snyrtilegasta lóð við íbúðarhús 2011.
3. Snyrtilegasta lóð við atvinnuhúsnæði 2011.
4. Sérstök viðurkenninn umhverfis- og skipulagsnefndar 2011.
Hægt er að sjá hverjir hafa hlotið viðurkenningar núna og undanfarin ár hér á heimasíðunni undir Starfsemi/umhverfismál.
Myndir tók: Björg Gunnarsdóttir
