Sett hafa verið upp skilti við Vallarásinn þar sem tekið er fram að umferð hesta um götuna er bönnuð. Í lögreglusamþykkt fyrir Borgarbyggð er kveðið á um að umferð hesta sé bönnuð innan þéttbýlismarka annarstaðar en á merktum reiðvegum nema með sérstöku leyfi eða samkvæmt samþykkt sveitarstjórnar. Þetta bann er áréttað sérstaklega varðandi Vallarásinn vegna þeirrar atvinnustarfsemi sem þar fer fram. Fyrirtækið Eðalfiskur flutti rekstur sinn nýlega í Vallarásinn. Starfsemi þess er mjög viðkvæm fyrir listeriusmiti sem getur m.a. borist inn í húsið með húsdýraskít. Ef slíkt smit berst í húsið og í framleiðslu fyrirtækisins getur það haft ófyrirsjáanlegar afleiðingar í för með sér fyrir fyrirtækið og rekstrarafkomu þess. Því er skorðað á alla umráðamenn hesta að virða fyrrgreindar reglur því mikið liggur undir að það sé gert. Með brot á þeim verður farið eftir gildandi ákvæðum í lögreglusamþykkt Borgarbyggðar.
Sveitarstjóri
