![Featured image for “Ugluklettur 10 ára”](https://dev.borgarbyggd.is/wp-content/uploads/2023/09/ugluklettur-10-ara-terta.jpg)
Síðastliðinn föstudag, 20. október varð leikskólinn Ugluklettur 10 ára. Dagurinn var haldinn hátíðlegur og sáu börnin um skipulagningu veisluhaldanna. Haldinn var fundur á sal þar sem börnin ákváðu í sameiningu hvað ætti að gera og hvað ætti að bjóða uppá. Hluti af því sem átti að gera var að skúra gólf, skreyta loftin, fá diskókúlu og halda ball. Í hádeginu átti að vera kjöt og eftirmatur og svo átti að bjóða upp á köku fyrir gestina. Boðskortið var útbúið og þar stóð meðal annar að allir ættu að vera kurteisir og koma í fínum fötum. Í stuttu máli gekk dagurinn eins og best verður á kosið. Húsið fylltist af gestum og allir voru í sínu fínasta pússi. Börn og starfsfólk þakka öllum þeim sem komu í heimsókn og glöddust með okkur á þessum stóra degi.