Yfirskrift hátíðarinnar í ár er sígild tónlist í sögulegu umhverfi og lýsir vel inntaki hennar og áherslum. Sveitasælan í Reykholti og fagur hljómburður Reykholtskirkju veitir bæði áheyrendum og tónlistarmönnum tækifæri til að upplifa hágæða tónlistarflutning á einum sögufrægasta stað Íslands.
Dagskráin í ár samanstendur af fjórum tónleikum, fjölbreytt og skemmtileg efnisskrá og frábærir músíkantar, bæði tíðir gestir á Reykholtshátíð sem hafa sumir hverjir fylgt hátíðinni frá upphafi og aðrir sem eru að koma í fyrsta sinn fram á hátíðinni í ár.
Kammerperlur eftir m.a. Brahms, Schubert og Glazunov og sönglög og aríur. Í tilefni afmælisársins verður frumflutt nýtt verk eftir Ingibjörgu Ýr við ljóð Þorsteins frá Hamri sem var ættaður úr Borgarfirðinum fagra. Fyrirlestur um ljóðskáldið Þorstein frá Hamri verður í boði Snorrastofu á laugardeginum sem er öllum opinn. Fyrirlesari er Ástráður Eysteinsson bókmenntafræðingur
Reykholtshátíð er jafnframt vígsluafmæli Reykholtskirkju og því verður fagnað með hátíðarmessu á sunnudeginum. Á tónleikunum á sunnudeginum verður Steinunn Birna Ragnarsdóttir sérstakur gestur en hún var upphafskona þessarar tónleikahátíðar í Reykholti í tengslum við vígsluafmæli kirkjunnar.
Hátíðarpassi á alla hátíðina er á aðeins 10.500 krónur.
Hægt er að kynna sér dagskrána á www.reykholtshatid.is en þar er líka hægt að nálgast miðasölu, bæði fyrir staka miða og hátíðarpassann.
