Borgarbyggð stendur fyrir páskaeggjaleit fyrir yngstu kynslóðina dagana 5. og 6. apríl nk. Að þessu sinni er um að ræða tvær staðsetningar, annarsvegar í Skallagrímsgarði og hins vegar í Logalandi í Reykholtsdal.
Í Skallagrímsgarði verður páskaeggjaleitin ræst kl. 16:00 (5. apríl) og í Logalandi kl. 12:00 (6. apríl).
Meginregla leitarinnar er fyrstur kemur, fyrstur fær. Gott er fyrir foreldra og forráðamenn að hafa í huga að páskakanína geri ráð fyrir einu páskaeggi á barn svo flest börn geta notið.
Ekkert þátttökugjald er á þessa viðburði en einstaklingar eru beðnir um að skrá sig hér.
Dag- og tímasetningar geta breyst ef veðurspáin verður óhagstæð. Nýjustu upplýsingar verður að finna á heimasíðu Borgarbyggðar, www.borgarbyggd.is.
Þá verður einnig páskaföndur í Safnahúsinu miðvikudaginn 5. apríl frá kl. 13:00 – 16:00. Eva Lára Vilhjálmsdóttir verður í Safnahúsinu með skemmtilegt föndur fyrir páskana. Eva ætlar að kenna handtökin í dúskagerð og fjölbreyttu pappírföndri sem minnir á páskana og vorið. Föndrið er bæði fyrir börn og fullorðna og frábært tækifæri að koma og eiga notalega stund saman í Safnahúsinu og skapa eitthvað fallegt og litríkt í leiðinni til gleðja augað yfir páskana.
