Þann 3. maí nk. frá kl. 16:00 – 19:00 ætlar Menntaskóli Borgarfjarðar að standa fyrir opnu húsi í Kviku.
Kvikan er skapandi rými þar sem hægt er, með hjálp stafrænnar hönnunar og tækjabúnaðar að raungera hugmyndir og hluti. Kvikan verður opin öllum þeim sem hafa áhuga á að koma og kynnast þeim tækjum og forritum sem eru í boði.
Þar er meðal annars hægt að:
- Hanna og skera út límmiða og fatafilmur
- Laserskera m.a. í mdf og plexigler.
- Sauma í saumavélum.
- Hanna og prenta út hluti í 3D.
- Taka upp hljóðvarp og eða myndupptöku í stúdíói.
Vakin er athygli á því að hægt er að kaupa efni á staðnum.
Leiðsögn og aðstoð verður á höndum Valdísar Sigurvinsdóttur sem hefur umsjón með Kviku – skapandi rými.
