Málþing um gróðurelda verður haldið í Hjálmakletti í Borgarnesi fimmtudaginn 17. janúar. Meðal frummælenda eru Halldór Halldórsson, formaður Sambands ísl. sveitarfélaga, Ómar Már Jónsson sveitarstjóri Súðavíkurhrepps, Björn Karlsson, forstjóri Mannvirkjastofnunar, Haraldur Benediktsson, formaður Bændasamtaka Íslands og Jón Viðar Matthíasson framkvæmdastjóri Slökkviliðs höfuðborgarsvæðisins.Á málþinginu verður lögð áhersla á að ræða og miðla upplýsingum um leiðir til að auka viðbúnaðargetu slökkviliða með samstarfi sveitarfélaga og stofnana og skilgreina ábyrgð sveitarfélaga og annarra stjórnvalda.
Fjallað verður um reynsluna af baráttu við gróðurelda, lagt mat á möguleika slökkviliða til að ráða niðurlögum þeirra og rætt um hvaða úrbóta er þörf hvað varðar mönnun slökkviliða, búnað þeirra og fjárhagslega áhættu sveitarfélaga af völdum gróðurelda.
Einnig verður fjallað um aðgerðir til forvarna og áhrif gróðurelda á náttúruna.
Dagskrá og skráning
Skráning
Dagskrá ráðstefnunnar | |
| 09:00 | Setning og afhending fundargagna |
| 10:00 | Setning ráðstefnunnar Halldór Halldórsson, formaður Sambands íslenskra sveitarfélaga |
| 10:10 | Áherslur umhverfis- og auðlindaráðuneytisins í vörnum gegn gróðureldum Hafsteinn Pálsson, verkfræðingur umhverfis- og auðlindaráðuneytinu |
| 10:25 | Reynslan af gróðureldum, úrbætur og mögulegar frekari aðgerðir Björn Karlsson, forstjóri Mannvirkjastofnunar Bjarni Þorsteinsson, slökkviliðsstjóri Borgarbyggðar Ómar Már Jónsson, sveitarstjóri Súðavíkurhrepps |
| 11:15 | Áhrif gróðurelda Sigrún Karlsdóttir, náttúruvástjóri hjá Veðurstofu Íslands Þorsteinn Jóhannsson, sérfræðingur hjá Umhverfisstofnun og Þröstur Þorsteinsson, lektor hjá Háskóla Íslands Járngerður Grétarsdóttir, lektor við Landbúnaðarháskóla Íslands |
Fyrirspurnir og umræður | |
| 12:00 | Hádegisverður |
| 13:00 | Staða slökkviliða Jón Viðar Matthíasson, slökkviliðsstjóri Slökkviliðs höfuðborgarsvæðisins Kristján Einarsson, slökkviliðsstjóri Brunavarna Árnessýslu Elísabet Pálmadóttir, sviðsstjóri hjá Mannvirkjastofnun |
Fyrirspurnir og umræður | |
| 14:00 | Kaffihlé |
| 14:45 | Aðgerðir til forvarna Málfríður K. Kristiansen, verkefnastjóri hjá Skipulagsstofnun Haraldur Benediktsson, formaður Bændasamtaka Íslands Hulda Guðmundsdóttir, landeigandi og skógarbóndi Rögnvaldur Ólafsson, frá almannavarnardeild ríkislögreglustjóra |
Fyrirspurnir og umræður | |
| 15:50 | Samantekt og málþinginu slitið Halldór Halldórsson, formaður Sambands íslenskra sveitarfélaga |
Fundarstjóri: Páll S. Brynjarsson, sveitarstjóri í Borgarbyggð
Ekki er innheimt ráðstefnugjald en þátttakendum gefst kostur á að kaupa léttan hádegisverð á staðnum gegn vægu gjaldi.
Skráning fer fram á tenglinum hér efst á þessari síðu.
Málþingið verður í beinni útsendingu á netinu. Upptakan verður aðgengileg hér á vef sambandsins.
