Alla miðvikudaga í september mun UMSB í samstarfi við Ferðafélag Íslands standa fyrir lýðheilsugöngum í Borgarbyggð. Göngurnar eru hluti af afmælisdagskrá FÍ en félagið fagnar 90 ára afmæli á árinu. Göngurnar hefjast kl. 18:00 alla miðvikudaga. Um er að ræða fjölskylduvænar göngur sem taka u.þ.b. 60-90 mín. Tilgangurinn með verkefninu er að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði.
Björk Jóhannsdóttir leiddi fyrstu lýðheilsugöngu UMSB og FÍ, í Einkunnum. Þátttaka var góð, enda blíðskapaveður.
Næsta ganga verður miðvikudaginn 13. September en þá verður gengið og hjólað um Borgarnes. Lagt verður af stað frá íþróttamiðstöðinni í Borgarnesi kl.18:00 og mun Mumma Lóa leiða gönguhópinn á þægilegum hraða og Pálmi mun leiða reiðhjólahópinn hring um bæinn. Hentar öllum aldurshópum.
Nánari upplýsingar má um komandi göngur má finna hér. Lýðheilsugöngur Ferðafélags Íslands og UMSBdagskrá
