![Featured image for “Laust starf umsjónarmanns fasteigna”](https://dev.borgarbyggd.is/wp-content/uploads/2023/09/1620212771_20201001-kj_02557.jpg)
Við leitum eftir öflugum og drífandi einstaklingi sem sýnir metnað og frumkvæði í starfi. Borgarbyggð hefur einsett sér að leggja aukna áherslu á notendamiðaða þjónustuhönnun, tækniframþróun og þjónustu við íbúa og viðskiptavini.
Í þeirri vegferð sem er framundan ætlum við að efla þjónustu sveitarfélagsins og vera tilbúin að mæta áskorunum framtíðarinnar. Áhersla verður lögð á þverfaglegt samstarf í verkefnamiðuðu umhverfi og frekari þróun innra starfs sem leiði í senn til framúrskarandi þjónustu og öflugs vinnuumhverfis.
Erum við að leita að þér?
Helstu verkefni og ábyrgð:
- Dagleg stjórnun og rekstur eignasjóðs Borgarbyggðar.
- Umsjón með viðhaldi og nýframkvæmdum húseigna sveitarfélagsins, einnig húseignum í félagslega kerfinu. Lóðir teljast hluti af fasteignum.
- Hann undirbýr í samráði við deildarstjóra umhverfis- og framkvæmdamála tillögur til sveitarstjórnar um viðhaldsþörf, rekstraráætlanir og nýframkvæmdir húseigna er undir hann heyra og sinnir virku kostnaðareftirliti fyrir þá málaflokka.
- Hefur einnig umsjón með og heldur utan um bílaflota Borgarbyggðar, rekstur félagsheimila og á smálegu viðhaldi í leikskólum Borgarbyggðar.
- Starfsmaður þeirra byggingarnefnda sem komið er á fót í sveitarfélaginu.
- Sinnir öðrum þeim verkefnum sem deildarstjóri umhverfis- og framkvæmdamála felur honum.
Menntun og hæfniskröfur:
- Gerð er krafa um háskólamenntun eða iðnmenntun sem nýtist í starfi.
- Góð almenn tölvukunnátta, þekking á OneSystem er kostur
- Þekking og reynsla sem nýtist í starfi
- Þekking á opinberri stjórnsýslu er kostur
- Færni í mannlegum samskiptum og jákvætt viðmót
- Nákvæmni og skipulögð vinnubrögð
Frekari upplýsingar um starfið:
Áhugasamir einstaklingar, án tillit til kyns eru hvattir til að sækja um. Launakjör samkvæmt gildandi samningum Sambands íslenskra sveitarfélaga við viðkomandi stéttarfélag.
Umsókn skal fylgja náms- og starfsferilskrá ásamt afriti af prófskírteinum ef við á.. Umsókn fylgi einnig kynningarbréf.
Umsóknir skal senda á netfangið atvinna@borgarbyggd.is.
Öllum umsóknum verður svarað.
Vinnutími: dagvinna
Starfshlutfall: 100%
Starfssvið: Stjórnsýslu-og þjónustusvið
Umsóknarfrestur er til og með: 17. maí 2021
Nánari upplýsingar veitir Hrafnhildur Tryggvadóttir, deildarstjóri umhverfis- og framkvæmdamála, netfang: hrafnhildur@borgarbyggd.is eða í síma 433-7100