Í marsmánuði síðastliðnum var gerð könnun á vegum forvarnarfulltrúa Borgarbyggðar meðal nemenda í 8.-10. bekk. Í könnuninni voru nemendur spurðir út í notkun á tóbaki, áfengi og öðrum vímuefnum, einnig voru þeir spurðir um íþrótta-og tómstundaiðkun, samveru fjölskyldunnar og hvernig gengi í skólanum að þeirra mati. Alls svöruðu 204 nemendur af 222 í öllum fjórum skólum Borgarbyggðar könnuninni.
