Við Sveitarstjórnarkosningar laugardaginn 16. maí 2026 er skipan í kjördeildir í Borgarbyggð og Skorradalshrepp sem hér segir:
Borgarneskjördeild í Hjálmakletti í Borgarnesi
Þar kjósa íbúar á svæðinu milli Hítarár og Gljúfurár, á Hvanneyri og Andakíl.
Kjörfundur hefst kl. 9:00 og lýkur kl. 22:00.
Lindartungukjördeild í félagsheimilinu Lindartungu
Þar kjósa íbúar á svæðinu milli Hítarár og Haffjarðarár.
Kjörfundur hefst kl. 10:00 og lýkur kl. 18:00.
Þinghamarskjördeild í félagsheimilinu Þinghamri, Varmalandi
Þar kjósa íbúar í Stafholtstungum, Norðurárdal, Bifröst, Þverárhlíð.
Kjörfundur hefst kl. 10:00 og lýkur kl. 20:00.
Kleppjárnsreykjakjördeild í grunnskólanum á Kleppjárnsreykjum
Þar kjósa íbúar Bæjarsveitar, Lundarreykjadals, Flókadals, Reykholtsdals, Hvítársíðu og Hálsasveitar. Í ár verður kjörfundur í Kleppjárnsreykjakjördeild í nýja hluta grunnskólans. Best er þá að leggja í bílastæðin við Borgarfjarðarbraut en keyra ekki inn í portið. Hurðin sem gengið er um verður merkt.
Kjörfundur hefst kl. 10:00 og lýkur kl. 20:00
Skorradalskjördeild í Laugarbúð Skorradal
Þar kjósa íbúar Skorradals.
Kjörfundur hefst kl. 10:00 og lýkur kl. 18:00.
Talning
Talning atkvæða í sveitarstjórnarkosningum þann 16. maí 2026 í sameinuðu sveitarfélagi Borgarbyggðar og Skorradalshrepps fer fram í Menntaskóla Borgarfjarðar Borgarbraut 54 og hefst að kjörfundi loknum kl. 22.
Opið er fyrir uppflettingar í kjörskrá, sjá hér.
Kjósendur eru hvattir til að athuga í hvaða kjördeild þeir eiga að kjósa og hafa persónuskilríki með sér á kjörstað. Á kosningavef Stjórnarráðs Íslands kosning.is geta kjósendur kannað hvar þeir eiga að kjósa og þar eru ýmsar upplýsingar varðandi kosningarnar. Á kjördag verður yfirkjörstjórn Borgarbyggðar með aðsetur í Hjálmakletti í Borgarnesi.
Sími formanns er 862-1270.
Yfirkjörstjórn Borgarbyggðar
