Starfsemi Öldunnar flyst tímabundið á Borgarbraut 65, 6. hæð í kjölfar athugasemda frá eldvarnareftirliti Slökkviliðs Borgarbyggðar. Gerðar voru athugasemdir um brunavarnir núverandi húsnæðis.
Dósamóttökunni verður lokað tímabundið þar til annað er ákveðið.
Í kjölfar úttektarinnar á Öldunni ákvað eldvarnareftirlitið að fara í úttekt á öllu húsnæði sveitarfélagsins í Brákarey. Niðurstöður er að vænta fljótlega en hugsanlega þarf að gera breytingar og munu starfsmenn Borgarbyggðar vera í samskiptum við þá leigjendur sem þar eru þegar niðurstöður liggja fyrir.
Ákvörðun um framtíðarhúsnæði Öldunnar mun liggja fyrir þegar nánari greiningarvinna hefur átt sér stað.
