Sunnudaginn 26. júní kl. 16.00 verður opnuð myndlistarsýning á verkum Aðalheiðar S. Eysteinsdóttur í Hvíta sal Landnámssetursins en það er salurinn á fyrstu hæð veitingahússins Búðarkletts.Aðalheiður er gestum Landnámsseturs að góðu kunn en hún er höfundur 5 stærstu myndverkanna í sýningunni um Egil Skallagrímsson í kjallara Pakkhússins.
Allir eru velkomnir við opnunina og aðgangur er ókeypis.
Aðalheiður segir um verkin sín:
Frá upphafi ferils míns hef ég leitast við að endurgera eftirminnileg augnablik úr eigin lífi, persónur eða bæjarbrag. Sett upp mynd af samfélagi manna og dýra í tilraun til að minna okkur á hvaðan við komum og hver við erum. Einskonar brú milli veruleika og ímyndunar í samfélagi sem er of upptekið til að staldra við og njóta.
Þannig varð til ættbálkur blökkufólks sem öll báru liti íslenska fánans. Flokkur manna sem allir versluðu í sömu herrafataverslun í Reykjavík, og annarskonar flokkur álfta sem höfu aðsetur í tjarnarhólmanum á Vetrarhátíð. Hrafnar sem námu land í Amsterdam og ferðafélagarnir Ísbjörn, Hreindýr og Sauður fóru til Lapplands með viðkomu í Reykjavík. Siglfirðingar sem slógu hring um torgið og fluttu það til Seyðisfjarðar, síðan aftur heim og þá á bryggjuna í Bátahúsinu við Síldarminjasafnið. Kettir reygðu sig og teygðu á Safnasafninu eitt sumar en viku fyrir dvergunum sem áðu þar á sérsmiðuðum palli. Gestir kaffi Karólínu horfðust í augu við sjálfa gesti kaffi
Karólínu og listamenn Listasumars ´95 gengu framhjá sjálfumsér í Glugganum í göngugötunni þar sem brúðarfylkingin stormaði í rigningu á vinnustofuna til móts við stöllur sínar.
Frá upphafi ferils míns hef ég leitast við að endurgera eftirminnileg augnablik úr eigin lífi, persónur eða bæjarbrag. Sett upp mynd af samfélagi manna og dýra í tilraun til að minna okkur á hvaðan við komum og hver við erum. Einskonar brú milli veruleika og ímyndunar í samfélagi sem er of upptekið til að staldra við og njóta.
Þannig varð til ættbálkur blökkufólks sem öll báru liti íslenska fánans. Flokkur manna sem allir versluðu í sömu herrafataverslun í Reykjavík, og annarskonar flokkur álfta sem höfu aðsetur í tjarnarhólmanum á Vetrarhátíð. Hrafnar sem námu land í Amsterdam og ferðafélagarnir Ísbjörn, Hreindýr og Sauður fóru til Lapplands með viðkomu í Reykjavík. Siglfirðingar sem slógu hring um torgið og fluttu það til Seyðisfjarðar, síðan aftur heim og þá á bryggjuna í Bátahúsinu við Síldarminjasafnið. Kettir reygðu sig og teygðu á Safnasafninu eitt sumar en viku fyrir dvergunum sem áðu þar á sérsmiðuðum palli. Gestir kaffi Karólínu horfðust í augu við sjálfa gesti kaffi
Karólínu og listamenn Listasumars ´95 gengu framhjá sjálfumsér í Glugganum í göngugötunni þar sem brúðarfylkingin stormaði í rigningu á vinnustofuna til móts við stöllur sínar.
