Miklar breytingar til hins verra hafa orðið á rekstrarumhverfi sveitarfélaga undanfarið ár. Það á ekki síst við hjá skuldugum sveitarfélögum, sem staðið hafa í mikilli uppbyggingu síðustu ár eins og Borgarbyggð. Því er nauðsynlegt að hagræða í rekstri á öllum sviðum og þá samhliða að endurskipuleggja, eða draga úr, þjónustu við íbúa og fyrirtæki.
Við þessar erfiðu aðstæður hafa Sjálfstæðisflokkur, Framsóknarflokkur og Borgarlisti ákveðið að mynda nýjan meirihluta í Borgarbyggð og vinna saman að því að færa rekstur sveitarfélagsins að því rekstrarumhverfi sem við blasir.
Með nýjum meirihluta færist stjórnskipan Borgarbyggðar frá hefðbundnu meiri- og minnihlutastarfi yfir í samstarf sem á meira skylt við það sem nefnt er “þjóðstjórn” í landsmálum. Sveitarstjórn Borgarbyggðar vill með þessu móti sýna í verki þá sannfæringu sína að þeir erfiðleikar sem nú blasa við krefjist samstöðu og áræðni til að beita óhefðbundnum aðferðum.
Helstu verkefni nýs meirihluta verða:
- Heildarendurskoðun á lánum, eignum og skuldbindingum sveitarfélagsins.
- Aðhald í stjórnun, stjórnsýslu, framkvæmdum og almennum viðhaldsverkefnum.
- Hagræðing og endurskoðun á rekstri allra stofnana sveitarfélagsins.
- Kynning meðal íbúa á stöðu sveitarfélagsins og þeim aðgerðum sem gripið verður til.
- Opinber rannsókn á rekstri og falli
SPM , þ.e. fylgt verði eftir fyrri bókunum byggðarráðs Borgarbyggðar um að málefniSPM verði skoðuð í þeirri stóru rannsókn sem í gangi er á fjármálafyrirtækjum og hruni þeirra.
Verkaskipting verður með eftirfarandi hætti:
1. Forseti sveitarstjórnar verður Björn Bjarki Þorsteinsson
2. Formaður byggðaráðs verður Sveinbjörn Eyjólfsson
3. Sveitarstjóri verður Páll S. Brynjarsson
Formaður U og L verður frá Borgarlista 1-L 2-D 2-B
Formaður Skipulagsnefndar verður frá Sjálfstæðisflokki 2-L 1-D 2-B
Formaður Fræðslunefndar verður frá Borgarlista 1-L 2-D 2-B
Formaður Félagsmálanefndar frá Borgarlista 1-L 2-D 2-B
Formaður Tómstunda og menninganefnd frá Framsóknarflokki 2-L 2-D 1-B
Með þessari nefndarskipan er verið að sameina tómstundanefnd og menningarnefnd í eina nefnd. Einnig er atvinnumálanefnd lögð niður og Byggðarráð tekur yfir verkefni þeirrar nefndar.
Auk venjubundinna nefnda skv. stjórnskipun Borgarbyggðar verða skipaðir sérstakir hópar til að fara yfir einstaka málaflokka.
