Borgarbyggð boðar til íbúafundar þar sem kynnt verður tillaga að fjárhagsáætlun sveitarfélagsins fyrir árið 2026 og framkvæmdaáætlun næstu þriggja ára. Tillagan hefur þegar farið í gegn um fyrri umræðu í sveitarstjórn og áætlað er að taka hana til síðari umræðu 13. desember nk.
Á fundinum verður farið yfir rekstur yfirstandandi árs, stöðu framkvæmda og helstu áherslur komandi árs. Sveitarstjóri mun jafnframt gera grein fyrir markmiðum fjárhagsáætlunar og þeim breytingum sem fram undan eru á tímabilinu.
Borgarbyggð hvetur íbúa til að mæta, kynna sér áætlunina og eiga gott samtal.
Fundurinn fer fram í Hjálmakletti, miðvikudaginn 26. nóvember kl. 20:00.
