Borgarbyggð styrkir frístundaiðkun barna og ungmenna á aldrinum 6-18 ára með framlagi að upphæð kr. 40.000 á ári.
Markmið framlagsins er að hvetja börn og ungmenni til að taka þátt í frístundastarfi.
Hægt er að nýta frístundastyrk í:
- Skipulagt frístundastarf sem stundað er undir leiðsögn þjálfara eða leiðbeinanda samfellt í a.m.k. 10 vikur. Þetta á t.d. við um allt íþróttastarf sem stundað er á vegum viðurkenndra íþróttafélaga, dans í dansskólum, skátastarf og annað reglubundið frístundastarf
- Þreksal, árskort/sundkort fyrir ungmenni á aldrinum 13 – 16 ára undir eftirliti íþróttafræðings samfellt í a.m.k. 10 vikur
- Þreksal, árskort/sundkort fyrir ungmenni eldri en 16 ára
- Nám í tónlistarskóla sem er samfellt í a.m.k. 10 vikur
Hægt er að nýta frístundastyrkinn hjá félögum innan Borgarbyggðar sem og í öðrum sveitarfélögum.
Allar umsóknir eru afgreiddar rafrænt, flest félög eru í Sportabler. Þar er hægt að kaupa námskeið og ráðstafa Frístundastyrk. Hakað er við „Nota Frístundastyrk Borgarbyggðar“ við skráningu á námskeið og þá lækkar upphæð gjalda um þá upphæð sem nemur inneign frístundastyrks.
Undir “Frístundastarf“ í Þjónustugátt Borgarbyggðar á borgarbyggd.is koma fram upplýsingar um ónýttan Frístundastyrk hjá hverju barni.
Frístundastyrkur er kr. 40.000 á ári. Inneign fellur niður um áramót.
Frá og með október 2022 eru þrek og sundkort í íþróttamiðstöð í Sportabler. Tengill er hér fyrir neðan.
