Borgarbyggð, Samtök sveitarfélaga á Vesturlandi, Menntaskóli Borgarfjarðar og Vegagerðin standa fyrir samstarfsverkefni sem snýr að samþættu leiðakerfi í sveitarfélaginu. Um er að ræða tilraunarverkefni styrkt af samgöngu- og sveitarstjórnarráðuneytinu. Styrkurinn er sem nemur 12.000.000 kr. og deilist á tvö ár, 2021 og 2022.
Það er mikil ánægja að geta loksins boðið upp á þessa þjónustuviðbót fyrir íbúa sveitarfélagsins og eykur jöfnuð til náms í heimabyggð. Borgarbyggð hefur breytt reglum um skólaakstur og aðrir en grunnskólabörn geta nú nýtt skólabílana í uppsveitum Borgarfjarðar og Mýrum. Vegagerðin og Strætó hafa bætt við leiðum í leiðakerfinu sínu og er því nú ekið alla virka daga yfir vetratímann. Menntaskóli Borgarfjarðar og Borgarbyggð styðja við verkefnið með fjárframlagi og það eru Samtök sveitarfélaga á Vesturlandi sem halda utan um verkefnið.
Hér fyrir neðan má finna spurningar og svör um verkefnið.
Morgunleiðirnar hjá Strætó eru:
- Frá Varmalandi nr. 63.
- Frá Kleppjárnsreykjum nr. 64
Síðdegisleiðin hjá Strætó er:
- Frá Borgarnes leið nr. 81.
Morgunleiðirnar leggja af stað frá Varmalandi og Kleppjárnsreykjum alla virka morgna kl. 08:20, þó aldrei fyrr en skólabílarnir eru komnir.
Já, þú getur farið með skólabílnum í Borgarnes. Borgarbyggð hefur breytt reglum um skólabíla og nú mega fleiri en grunnskólabörn nýta þetta úrræði.
Til þess að panta far með skólabílunum þarf að hafa samband við Borgarbyggð degi fyrir áætlaða ferð, til þess að hægt sé að ganga úr skugga um að laust pláss sé í bílnum.
Já, kennsla í Menntaskóla Borgarfjarðar hefst kl. 09:00. Gengið er út frá því að bílarnir séu komnir fyrir þann tíma.
Akstursleiðin stoppar á N1 í Borgarnesi.
Strætó stoppar við Hvanneyragötu 8B, það er strætómerki við stoppistöðina.
Nei, einungis er um að ræða úrræði fyrir grunnskólabörn, menntaskólanema og fullorðna.
Íbúar geta nýtt sér leiðarkerfið sem fer frá Kleppjárnsreykjum og Varmalandi. Til að nýta sér skólabílaakstur þarf hins vegar að panta sér ferð enda takmarkaður sætafjöldi í þeim bílum.
Það er hægt að kaupa miða á heimasíðu Strætó, www.straeto.is, í Strætó-appinu og í Íþróttamiðstöðinni í Borgarnesi.
Skólabílstjórar sjá um gæslu í skólabílum líkt og gert er ráð fyrir í venjubundnum skólaakstri. Ekki er gert ráð fyrir breytingum á því fyrirkomulagi enda ekki mörg laus sæti og því ekki gert ráð fyrir miklum auknum fjölda annarra farþega á þeim leiðum. Við minnum einnig á að þeir sem hafa hugsað sér að nýta þær ferðir þurfa að panta sér far með skólabílunum. Er þetta fyrst og fremst hugsað sem þjónustuviðbót fyrir nemendur sem sækja Menntaskólann í Borgarnesi.
Hvað varðar morgun- og síðdegisleiðirnar er fyrirkomulagið ekki frábrugðið öðrum hefðbundnum strætóleiðum hvað þetta varðar og því engin gæsla.
Þessi hlið á málinu hefur verið rædd og það er ekki verið að gera ráð fyrir því að skólabílarnir séu í leiðarkerfi Strætó, hér er átt við þær leiðir sem Strætó er almennt að bæta við frá Varmalandi og Kleppjárnsreykjum.
Nei, það er ekki akstur þegar grunnskólinn er í fríi. Þetta á við um sumarfrí, vetrarfrí, páskafrí, jólafrí og skipulagsdagar.
Til að panta far með bílunum þarf að hafa samband við þjónustuver Borgarbyggðar í síma 433-7100 eða á netfangið thjonustuver@borgarbyggd.is.
Þjónustuverið er opið alla virka daga frá 9:30-15:00
Athugið að fyrirkomulagið getur tekið breytingum.
