Category Archive

Í framhaldi af norræna skjaldeginum er nú búið að stilla upp gömlum ljósmyndum í Héraðsskjalasafninu í Safnahúsi Borgarfjarðar. Upplýsingar vantar um hverjir eru á myndunum og er fólk beðið að koma við í Safnahúsi og skoða hvort þarna er einhver sem það þekkir.   Meðfylgjandi ljósmynd tók Jóhanna Skúladóttir héraðsskjalavörður af myndaborðinu í morgun.  

Rjúpnaveiðitímabilið hófst 1. nóvember síðastliðinn og því líkur 30. nóvember. Rjúpnaveiðidagarnir eru samtals 18 á tímabilinu. Öll veiði er bönnuð mánudaga, þriðjudaga og miðvikudaga. Algert sölubann er á rjúpu og rjúpnaafurðum. Það er mat sérfræðinga að veiðiþol stofnsins sé ekki meiri en 38.000 fuglar og því er mælt með að hver veiðimaður veiði ekki meira en sex til sjö rjúpur. …

Starfsmaður Borgarbyggðar gekk fram á hálsfesti með krossi við Tónlistarskóla Borgarfjarðar í gær. Hann tók hálsmenið með sér og er það nú í góðum höndum í ráðhúsi Borgarbyggðar. Eigandi hálsmensins getur nálgast það á skrifstofu Borgarbyggðar við Borgarbraut 14 í Borgarnesi á opnunartíma skrifstofunnar milli 9:00 og 15:00.  

Á dögunum var starfrækt listasmiðja hjá Ólöfu Davíðsdóttur í Brákarey. Um er að ræða samstarf við hollenska aðila um að skapa starfsaðstöðu fyrir fatlaða til listsköpunar, en hópurinn kallar sig „Utangarðslistamenn“ ( Outsiders art ). Þrír einstaklingar úr Borgarfirði tóku þátt í verkefninu og eins og sjá mátti á sýningunni sem haldin var í lokin höfðu þeir skapað fjöldann allan …

Norræni skjaladagurinn verður næstkomandi laugardag, þann 10. nóvember. Af þessu tilefni verður opið í Safnahúsi frá 14.00 -17.00, þar verður uppi sýning á skjölum og myndum tengdum persónuheimildum. Hér má sjá ,,Tíundartöflu í Álftarneshreppi haustið 1876″. En hún er eitt þeirra skjala sem verða til sýnis í Safnahúsinu á norræna skjaladeginum. Á heimasíðu norræna skjaladagins má m.a. sjá m.a. lista …

Mjög erfiðlega hefur gengið að manna gæslu á almennum opnunartíma íþróttamiðstöðvarinnar á Kleppjárnsreykjum. Því hefur verið ákveðið að breyta áður auglýstum opnunartíma hennar. Íþróttamiðstöðin verður því opin í nóvember á mánudögum til fimmtudaga frá kl. 8.45 til 15.45 og á föstudögum frá 8.45 – 15.00. Opið verður tvö kvöld í viku þ.e. á þriðjudags- og fimmtudagskvöldum frá kl. 18.00 – …

Sveitarstjórnarfundi sem halda átti fimmtudaginn 8. nóvember er frestað fram til fimmtudagsins 15. nóvember. Næsti fundur byggðarráðs verður því haldinn miðvikudaginn 7. nóvember.  

Styrktarsjóðurinn Hornsteinn hjá Sparisjóði Mýrasýslu var stofnaður í upphafi árs 2007. Úthlutun úr sjóðnum fór fram fimmtudaginn 1. nóvember síðastliðinn á Hótel Hamri. Til úthlutunar voru að þessu sinni 49 milljónir króna. Fjörutíu og sex umsóknir bárust sjóðnum og var heildarupphæð þeirra styrkbeiðna yfir 150 milljónir króna. Af þeim 46 umsóknum sem bárust fengu 10 verkefni úthlutað styrkjum. Það voru …

Dagana 5. – 8. nóvember 2007 verða haldnir forvarnardagar í Grunnskólanum í Borgarnesi og í Félagsmiðstöðinni Óðali. Í stað hefðbundinnar kennslu hjá 7. – 10. bekk verður boðið upp á margskonar fróðleik og skemmtun s.s. að taka þátt í smiðjuvinnu, hópefli og leiksýningu auk þess að hlusta á ýmsa fyrirlestra um forvarnir. Sjá hér dagskrá forvarnarviku.

Frá því í haust hafa ungar mæður og ungabörn þeirra hist einu sinni í viku, á svokölluðum mömmumorgnum, í Mími ungmennahúsi í Borgarnesi. Mömmumorgnarnir eru á miðvikudögum kl. 10:30. Þar er spjallað um uppeldi og svo auðvitað um daginn og veginn. Reynt er að bjóða upp á ýmiskonar fræðsluerindi, sem tengjast uppeldi og uppvexti barna, einu sinni í mánuði. Aðilar …